За неколку дена ќе дознаеме која домашна компанија ги има најдобрите гејмери меѓу своите вработени!
На 24ти октомври во INNO Feit во Скопје ќе се одржи Good Game натпреварувањето каде силите ќе ги одмерат најдобрите гејмери од домашните компании.
Пријавувањето на тимовите е сеуште во тек и за неколку дена ќе дознаеме која домашна компанија ги има прваците во играта “Counter Strike: Global Offensive”.
Сите компании кои сметаат дека може да состават тим од своите вработени и сакаат да се пријават, истото може да го направат на следниов ЛИНК (https://good.game/skopje).
“Подготвуваме е-спорт спектакл за најдобрите локални тешнолошки компании да откријат која од нив го има најдобриот е-спорт талент. Исто така, планираме и free-to-play гејминг простор каде секој посетител ќе има можност да игра и да се натпреварува во некоја од останатите игри. Ќе биде ден исполнет со е-спорт, одлични игри и возбудливи содржини”, вели Никола Столник еден од организаторите на настанот во своето неодамнешно интервју за Смарт Портал.
Поддршка на настанот дава и еСпорт Федерацијата на Македонија која реши
финалето на македонската CS:GO лига да го има токму на настанот Good Game.
Организатор на Good Game е компанијата Good Game Global од Хрватска под главно покровителство на Samsung и со голема помош на Snickers и Green Cola. Поддршка на настанот даваат и Opel, Cineplex, Frank и уште неколку други комапнии.
За посетителите настанот ќе биде од отворен карактер и секој заинтересиран ќе може да дојде во просториите на INNO Feit и да ја почувствува оваа несекојдневна забава што за прв пат ќе се одржи во нашиот главен град.
