Зачнати пред 30 години, родени пред три месеци: Близнаците од замрзнати ембриони
Лидија и Тимоти Риџгвеј се родени од ембриони кои биле замрзнати кога Џорџ Буш постариот бил претседател на САД, а Џон Мејџор бил британски премиер.
Ембрионите првично биле наменети за анонимна двојка и биле складирани во посебна лабораторија под посебни услови пред да бидат донирани во националниот центар во 2007 година, објави Си-Ен-Ен.
Филип Риџгвеј, таткото на близнаците, имал пет години кога биле создадени ембрионите, па вели:
„Има нешто неверојатно во сето ова. Имав пет години кога Бог им даде живот на Лидија и Тимоти, и оттогаш тој го чува тие животи. Во извесна смисла, тие се нашите најстари деца, иако тие се нашите најмали деца“.
Донаторот на јајце клетката во тоа време била 34-годишна жена, а таткото тогаш имал 50 години.
Филип и Рејчел Риџвеј имаат уште четири деца на возраст од две до осум години.
„Ова е нов рекорд во однос на ембриони кои биле најдолго замрзнати и резултирале со раѓање“, рече Марк Мелингер, од Националниот центар за донирање ембриони.
In April 1992, Vanessa Williams' "Save the Best for Last" topped the Billboard 100, Arkansas Gov. Bill Clinton was running for the White House, "Who's the Boss?" aired its final episode, and the babies born to Rachel and Philip Ridgeway a couple of weeks… https://t.co/OfHL8uMnB7
— Strawberry NG News (@StrawberryNG) November 21, 2022
Моли Гибсон е родена во 2020 година од ембрион кој бил замрзнат 27 години, а пред тоа „рекордот го држела нејзината сестра“ која се родила од ембрион кој бил замрзнат цели 24 години.
Бебињата се родени во САД и гордите новопечени родители нивното раѓање го нарекоа „неверојатно, прекрасно“ искуство. Во Националниот центар за донација на ембриони сметаат дека тоа се ембрионите кои најдолго биле замрзнати, а кои резултирале со живородени деца.
Извор: пензионисани.рсФото: Шатерсток
