Во овој паралелен свет
ти си на страната
на моите непријатели
а јас сум самовила
со седум копја во грбот
првиот впечаток
е како магливо утро
закопано во пазувите
на овие турбулентни години
ми приоѓаш
со вештачки насмевки и црвени каранфили
по улиците се разлева златен дожд
и небото плаче
за сите несреќни љубови
за мене е подобро
да бидам студена
и никогаш повеќе
да не помислам
на твоите отровни цветови.
За Женски магазин, поетесата Сања Атанасовска
Фото: Александар Колов
