5 трендови јакни и капути кои ќе ве стоплат оваа зима: Останете стилски со најпосакуваните модели
Оваа сезона изборот е побогат од кога било – од долги јакни кои се гушкаат како ќебе, до елегантни палта со рол - крагна и преголеми кроеви кои освојуваат.
Капутот е суштинско модно парче за зимските денови кога сакаме да останеме топли и да останеме стилски во секоја пригода. Покрај трикотажата, капутите се една од причините зошто ја сакаме постудената сезона - тие ни даваат софистициран, поелегантен изглед со кој лесно може да се создаде остатокот од нашите комбинации. Во последниве месеци, ги оставивме настрана тексас јакните, тренч-палтите и проѕирните мантили, а откако ги прегледавме фотографиите од модните писти и колекциите од вашите омилени модни брендови, идентификувавме неколку јасни трендови за оваа зима што ќе сакате да ги носите и во 2025 година. Видете ги подолу!
Долга пуфер јакна
Се наоѓаме во период на многу студени и сурови денови, кога повеќе би сакале да останеме сместени во пријатен агол од нашиот дом. Сепак, ќе почекаме уште малку до почетокот на пролетта, а дотогаш се потпираме на стилската долга пуфер јакна како едно од најудобните и најтопли парчиња за зимата.
Капут со рол-крагна
На кој прв му текнало да комбинира палто и шал - му благодариме. Овој модел не само што прави секој изглед да изгледа неспоредливо полуксузен, туку и ја елиминира потребата од дополнителен шал. Додадете пар кожени ракавици и чанта shopper - ќе добиете изглед на трендсетерка од Инстаграм.
Оверсајзд капут
Беше само прашање на време кога макси фустаните и здолништата што ги сакавме во текот на есента ќе влијаат и на нашиот избор на горна облека. Макси капут одлично оди со фустани до глужд и чизми до колена, но одлично изгледа и со фармерки и рамни. Без разлика како го носите, ништо не може да ја надмине драматичната силуета што ја создава овој прилагоден капут, а тоа е клучот за да се направи и наједноставната облека веднаш стилска.
Кафеав капут
Чоколадо кафената нијанса направи големо враќање. Оваа боја изгледа многу луксузно и скапо, а ја подобрува секоја облека. Оваа сезона дајте му шанса на кафениот капут- комплиментите се загарантирани.
Бомбер
Оваа зима преферираме обемни кожни бомбер јакни кои изгледаат како да се позајмени од машкиот гардеробер. Идеална е за полежерни комбинации со крупни плетива и преголеми кошули. Судејќи според бројот на инфлуенсери кои го прифатија овој тренд, се чини дека оваа бомбер јакна ќе остане актуелна и во 2025 година.
FOTO: Instagram printscreen
