Ана Бунтеска: Во спокој
Посакав едноставни нешта
Ете, една ПРОШЕТКА ВО ПРИРОДА
Која ќе ми остане како аманет
Запишана во мојот ДНЕВНИК НА СРЦЕТО
Како скоро невидлива нишка
На ЗЛАТНА РАДОСТ НА ДУШАТА
За да запомнам и кога ќе истури дожд
Дека ИСКРАТА ПОМЕЃУ НАС не се гаси
Туку останува да болскоти
Чиниш ОГНЕНА ФОНТАНА среде нашите мисли
И секојпат останувам вчудоневидена
Од онаа чиста ЕНЕРГИЈА НА ТРАНСФОРМАЦИЈА
Во која се измивам како во кристално бистра вода
Чии СЛОЕВИ НА СПОКОЈСТВО ми ги залечува сите лузни
А ти, ти сепак одмолчи му на мојов монолог
Подзаскриен зад ЗАВЕСА НА ТИШИНАТА
Кој е навидум безопасен и лесен
А во кој ти оставам ЖАРЕЧКИ ТРАГИ
За да ги вкусиш со сосем малку засладено кафе
ВоПРВИТЕ ЗНАЦИ НА УТРОТО во кое ќе ме најдеш
Како тивко и полека, но само за тебе
Танцувам во нашиот КОНТРАСТ НА СЕНКИТЕ
Не, нема да барам ништо отповеќе
Освен еден касај од твоетоПАРЧЕ НЕБО
За да можам да ја соџвакам суштината
СоФОКУС НА ТОА ШТО Е ВАЖНОза нас
За сѐ што ги спојува твоите и моите слики
Во бесконечнотоЕХО НА ВРЕМЕТО
Можам да ти ветам сѐ што не ќе исполнам
Но можам да ти дадам самоБЕЗУСЛОВНА ЉУБОВ
Која и во сите матни времиња
Ќе го задржи својотВЕЧЕН СЈАЈ
За да не ја бараме бесмртноста
Туку среќата која е воМАЛИТЕ РАБОТИ
Види, види ме како совршено можам
ДаЛЕБДАМ ВО МОРЕТО НА ЉУБОВТА
Без страв ниту срам пред тебе
Затоа што единственоЧУВСТВАТА НЕ ЛАЖАТ
Та си велам колку е чиста и прекрасна
КОМПЛЕКСНОСТА НА ЕДНОСТАВНОСТАна она што сме НИЕ
Секој во својот свет кој станува наш
СекојВО ХАРМОНИЈА СО СЕБЕ
Чија молитва ќе ја испишеме
На чист и белЅИД НА ЖЕЛБИТЕ
Мислиш дека ќе знаеме?
Мислиш дека ќе имаме ХРАБРОСТ
За да воскреснеме од сиот хаос
Кој ќе го замениме соСПОКОЈНИ МИСЛИ
Ех, еве ме тука сега и овде
За да те потсетам дека е ВРЕМЕ ЗА РОМАНТИКА
Време во кое ќе нема каење или вртење кон минатото
За иднината да ја наречемеНИКНУВАЊЕ НА СВЕТЛИНАТА
Во сета конечност на нашето постоење
Само љубовта знае да бидеБЕСКОНЕЧОСТ
Надвор од сите наши слабости и болки
Едноставно,НАДВОР ОД ВРЕМЕТО
Во кое те најдов, во кое ме најде
Во кое го најдовме нашетоПРОСВЕТЛУВАЊЕ
ВО СПОКОЈ...
ВО СПОКОЈ...
ВО СПОКОЈ...
За Женски магазин поетесата Ана Бунтеска
