Дарко Лешоски: Еден ден после долго време ќе те побарам и ќе те замолам да одиме негде на ручек
Еден поинаков концепт на поетот и сестран уметник Дарко Лешоски специјално за Женски магазин. Преку медиум- видео форма ги растура своите мисли- всушност „чудни“, необични зборови од секој светски јазик кои имаат длабоко значење, а тој се надоврзува на суштината на зборот со одлична нарација, умствена „гимнастика“ и визуелен опис.
Vuslat - Tурски јазик - именка, Значење: „Соединување на двајца кои се сакаат после долго време.“
Еден ден после долго време ќе те побарам и ќе те замолам да одиме негде на ручек.
Ќе ти речам дека дека онака само сакам да се видиме, ќејф, ако и ти сакаш, и ќе те прашувам глупости и ти и ќе ми одговараш со плитки и глупави одговори.
И дека е само онака ти мене ќе ми поверуваш.
И ќе почекам.
Ќе чекам јас долго колку треба - толку ќе чекам.
Кога можев толку да чекам, ќе почекам да завршиме и со ручекот.
А кога ќе дојде келнерот да ги собере нашите чинии, ќе праша:
„Се извинувам, дали е се во ред, завршивте обајцата? “
Тогаш јас го кренам погледот и тебе втренчено во очи ќе те гледам и ќе изустам :„ Не е… не е! “ - ќе прошептам тивко.
„Никогаш јас и таа не завршивме и никогаш и нема да завршиме,
уште се сакаме ама никој не сака да признае!“
Носи! А ако не ме сака однеси ме и мене,
било каде, само не да живеам повеќе вака, носи ме во свет во кој и таа како јас неа така ме сака!“
