ДЕЛ ОД УЧЕНИЦИТЕ ДОБИЈА УЧЕБНИЦИ ПО МАКЕДОНСКИ, ДРУГИТЕ ОД ПОНЕДЕЛНИК - Да се запрашаш зошто?
Дел од учениците од петто одделение на крајот на учебната година ги добија учебниците по Македонски јазик за учебната 2022/2023 година. Тие имаат уште 12 работни дена во училиште да учат од новите учебници, бидејќи ги добиле на 29 мај, откако цела учебна година ја поминаа без соодветни материјали.
- Ќерка ми е петто одделение во училиште во општина Центар. Денеска си дојде дома со учебник по Македонски јазик, книга која ја чекавме од 1 септември. Откако цела година им диктираа, им принтам материјали, печатевме и дома материјали, конечно, во период кога броиме денови до крај на школска година, учебниците стигнаа кај децата. Заминуваат на екскурзија пет дена, така што ќе имаат учебници последната недела од учебната година. Зошто воопшто за една недела трошеа пари да ги испечатат. Да се брои дека имало учебници?! Нека ги зачуваат за следната година - коментира мајка на ученик од петто одделение. Повеќе на Фактор.мк
