Денес таму се случуваат големи чуда: Во овој манастир живи биле закопани 12 невести облечени во венчаници

Добивај вести на Viber

Манастирот, кој е познат и како воен манастир, а во чија изградба помогнал кралот Александар I Обреновиќ, деновиве се повеќе го посетуваат гости кои сакаат да ја видат чудотворната икона на Света Петка, реплика на иконата на црквата на Христос Спасителот од Москва, која била запалена.

Инаку, старата црква ја изградиле грузиски монаси кон крајот на 14 и почетокот на 15 век кога бегале од турската инвазија.

Манастирот почива на посмртните останки на многу маченици и Турците во него убиле многу луѓе.

Една од поморничавите легенди поврзани со манастирот Света Петка Иверица, за која своевремено за српски „Блиц“ ја раскажала Славица Цекиќ, која се грижи за манастирот, е дека во него живи биле закопани 12 невести во венчаници.

Кралот Александар за малку ќе се удавел, па од благодарност изгради црква

Кон крајот на 19 век, група воени рудари била стационирани во областа каде што денес се наоѓа манастирот, кои работеле на копање тунели за изградба на патишта. Еден од војниците сонувал дека порано имало светилиште токму таму каде што се тие. Војниците почнале да копаат и така дошле до првото светилиште кое го изградиле грузиските монаси.

Во тој период, според преданијата, кралот Александар I Обреновиќ за малку ќе се удавел во морето во Франција, па војската од благодарност кон Бога решила да ја обнови црквата Света Петка. Меѓутоа, по три години армијата веќе немала пари да продолжи со изградбата.

Недостигот на пари го надоместил самиот крал, кој бил воодушевен од иницијативата на неговите војници.

За манастирот се вели дека има чудотворна моќ, што го потврдуваат и многумина кои редовно го посетуваат.