Детето ми умираше, немав надеж: Потресна исповед на мајката која го благословува д-р Несторовиќ
Ова е приказна за мајката која ги трогна сите на социјалните мрежи
Од почетокот на пандемијата на корона вирусот, најголемо внимание предизвика член на медицинскиот дел на Српскиот кризен штаб за борба против ковид-19, педијатар-пулмолог и алерголог д-р Бранимир Несторовиќ. Неговиот „опуштен“ став кон непознатиот вирус, кој ќе убие три милиони луѓе за една година, ги подели мислењата.
Другите доктори честопати изразуваа несогласување со неговото мислење, што е причина зошто го напуштил Кризниот штаб. Како што и самиот посочувал неколку пати, тој имал големо медиумско внимание.
Во едно од последните гостувања на телевизија, тој објави дека ќе се пензионира, а подоцна се појавуваше само спорадично во медиумите, но не зборуваше за короната. Тој зборуваше за здравјето на органите за дишење кај децата, природните лекови.
И додека го заработи епитетот „контроверзен“ поради неговите ставови за вирусот корона, никој не спори колку е експерт во својата област. За тоа сведочат бројни објави на родители на социјалните мрежи кои имале само пофални зборови за д-р Несторовиќ и кои детално опишале како му помогнал на нивното дете кога било најтешко.
Една од нив е Љиљана Б., која објави своја лична исповед на Фејсбук, а која ја пренесуваме во целост.
„Немам зборови со кои можам да му се заблагодарам на нашиот драг професор Бане. Моето дете е родено со дијагноза на ларингомалација гравис (што беше дополнително предизвикано од реанимација на бебето, затоа што не мачеа два дена и не извршија царски рез веднаш - да биде итно, ако не може да биде поитно, и двајцата нè губеа). Петтиот ден, бебето почнува да дише гласно, со секојдневно засилување. Не држеа во породилиштето 16 дена, за да ме смират, не испратија дома со тешко, звучно дишење. Бебето го повраќаше секој оброк, така што на 40-тиот ден итно е испратена на терцијарна клиника ...ја почнува приказната оваа мајка...„Му прават на бебето бронхоскопија во 43 ден од животот, му мерат сатурација, му додаваат ан млекото енергетски „фантомалт“ и не испратија дома. Бебето го повраќаше секој втор оброк, а потоа гласно дишење одѕвонуваше ширум куќата. Во секој момент беше во ризик да и се врати цело јадење и да се загуши, така што немав сон. Напредуваше многу слабо. На 5 месеци успеавме да дојдеме до професор Несторовиќ кој беше шокиран бидејќи дете од 40 дена го изложиле на бронхоскопија, снимка на ларингитис не направија, антирефлуксното млеко не го препорачаа, кое постои и кое е погусто, за да не го повраќа, целосно залудни работи ни правеа“, раскажува оваа мајка и продолжува:
Професорот во рок од 5 минути ми даде совети и ансоки, додека ве препраќаа секаде, неиформирани...Тогаш бебето имаше 5 месеци и 5 килограми.
Не можеше да ја држи главата. Сосема хипотонично. Од моментот кога започнав со советот на професорот, бебето се здебелуваше по килограм месечно, повраќаше понекогаш, кога одевме на преглед, професорката беше задоволна, бидејќи добиваше на тежина и сила, се намали многу звучното дишење, таа стана силно и цврсто бебе. На 12 месеци имаше дури 13 кг. Сè уште имаше проблем со пробување нови вкусови, но тоа беше последица на сè што се случи, кажува мајката.
„Моето дете денес има 8 години. Голема, весела, драга девојка. Нема зборови, нема начин да му се заблагодарам на драгиот професор Несторовиќ, освен да му посакам само среќа и здравје, бидејќи тој токму тоа ми го даде на моето дете и мене, како мајка, која изгуби надеж дека детето ќе се развива како што треба. Никогаш не сум сретнала толку голем човек, со толку широко знаење, вештини со луѓе, нивна евалуација… Ви благодарам, професоре, до небото. Го спасивте целото наше семејство. Бог да те благослови ... “, напиша мајката Љиљана на Фејсбук.
Извор: penzionisani.rs
