Амбер Каси (23) и нејзиниот сопруг Скот одлучија да имаат уште едно бебе. Младите родители не можеа да ја симнат насмевката од лицето кога дознаа дека Амбер е бремена, но среќата и беше уништена на прегледот во 20-та недела од бременоста.

На прегледот, лекарот им рекол дека бебето не се развива добро, дека левата страна на срцето е помала од десната и дека поради таква состојба треба да се оперира веднаш штом ќе се роди. На сличен начин, бебињата родени со неправилно срце често не живеат подолго од пет години.

„Лекарот ни го покажа срцето на нашето бебе и отчувување на нормално бебе. Тој објасни дека не може да знае каков ќе биде точниот исход и предложи абортус“, вели Амбер.

Имено, во Англија, жените имаат право на абортус пред 24-та недела од бременоста доколку се открие оваа состојба.

„Плачевме цел ден, не знаевме што да правиме. Сестрата ни се јави, ни пружи поддршка и рече дека има групи на социјалните мрежи за паровите што се нашле во иста ситуација. Јас брзо ги најдов и тие споделија приказни со нас каков е животот со бебе родено со неразвиено срце. Тие ни дадоа надеж и решивме да не ја прекинеме бременоста“, се сеќава Амбер.

Понатамошните прегледи открија дека левата страна на срцето се развива, но лекарите открија нов проблем - бебето има стеснување на аортата, па затоа недоволно крв доаѓа до органите. Ним им беше кажано како ова може да доведе до оштетување на срцето, но и на другите органи и дека сето ова може да се санира само со хируршка интервенција. Немаше промена ниту по прегледот во 30-та недела.

Амбер и Скот не сакаа да купат никакви работи за момчето затоа што не знаеја дали на крајот ќе го однесат дома или не. Сепак, на друг преглед, тие дознале дека протокот на крв станал нормален и дека срцето се развива уште подобро, а во 36-тата недела, докторот им рекол дека сè е во ред со бебето. Два дена по тој преглед, се роди Ортон.

„Не можев да верувам. Тој дишеше нормално, а јас бев преплавена од емоции кога ми го дадоа во прегратка. Сепак, среќата траеше кратко, бидејќи наскоро почна да дише потешко, па лекарите му дадоа антибиотици затоа што се сомневаа на инфекција. Но, и таа помина и лекарите ни рекоа дека сè е во ред“, вели Амбер.

Левата страна на срцето на Ортон беше малку помала од десната, но само четири недели подоцна, лекарите рекоа дека сите негови органи работат совршено. Не можеа да објаснат ваков случај, бидејќи ова е вистинско чудо за нив.

 Foto: Printscreen / Instagram amberandboys