,,Доволно молчев''
„На ова завршуваме, од сега ќе е различно, навикни се така и молчи. На сè што ќе кажам, ти молчи. И ќе биде подобро.“
,,Доволно молчев''
Доволно молчев. Предоволно.
Предолго голтав и го трупав тоа ѓубре во себе.
И сè поради тебе. Сè поради тоа што ти сакаше.
Како да ми кажа
„На ова завршуваме, од сега ќе е различно, навикни се така и молчи. На сè што ќе кажам, ти молчи. И ќе биде подобро.“
И ми го вети тоа подобро.
Денес, јас го рециклирав сето ѓубре во мене.
До тој степен што и заборавив целосно на него.
Како да не постоело.
И не сум добро.
Не сум подобро.
Сега сум најдобро.
И кога конечно се ослободив од тоа ѓубре,
од сета омраза во мене,
и кога ти простив за сè што ми стори,
ти почна од почеток.
Почна со твоите глупости.
Почна да ми го трупаш повторно истото ѓубре
и топката повторно ми ја префрли мене.
И повторно сум јас највиновниот,
повторно јас сум крив,
повторно во мене е вината,
повторно мене ме обвинуваш.
И тогаш, како да ми рече
„Ајде од почеток, можеш. Мораш. Престани да молчиш и доближи ми се. Пак сакај ме.“
ти давам простор да ме изманипулираш со твоите зборови и постапки
и да почнам повторно да верувам во вистина која не постои на овој свет.
Паднав.
Психички паднав.
Крај, си реков.
А ти продолжи
„Како можеш вака? Ти си виновен.
Ти бев дом. Ти ми беше дом. Но, ти ме исфрли од твојот.“
И како јас да сум највиновниот,
како јас да ти кажав да си одиш од срцево.
Самиот си замина.
Самиот си предодреди судба.
И кога виде оти кај другите е ладно,
Повторно сакаш да се вратиш во моите комори.
Дали моето срце е играчка?
Само прашувам.
И стравувам.
Стравувам од тоа што со љубов можеш повторно да ме добиеш.
За Женски Магазин - поетот Јован Илиески
Инстаграм: ilieski_quotes
