Ела Дворник и 13 години постариот Чарлс неодамна објавија дека се разведуваат, а сега тој ја тужи: Проблемот настанал околу поделба на имотот

Хрватската инфлуенсерка Ела Дворник, ќерка на починатиот музичар Дино Дворник, и Чарлс Пирс го потврдија разводот оваа година. Двајцата се запознале во Лондон во 2014 година, а тајно се венчале во Лас Вегас.

Иако Чарлс е 13 години постар од Ела, тие тврдеа дека тоа не им претставува проблем, а во бракот имаа две ќерки.

Сепак, како што пенесуваа медиумите, Чарлс ја тужел Ела за дел од  куќата во Бала, чиј единствен сопственик е таа.

Спорот се води заради утврдување и делба на брачниот имот, се вели во тужбата, пренесуваат медиумите.

Ела и Чарлс се преселиле во оваа куќа со своите ќерки во 2021 година бидејќи сакале мир далеку од градскиот метеж. Покрај ова, поранешните сопружници ги поврзува и заеднички бизнис. Од 2016 година имаат заедничка компанија „Манијак“ каде собираат инфлуенсери и ги поврзуваат со брендови.