Гел лакот е тренд кој жените го обожаваат, но последиците се опасни

Во последните неколку години имавме можност да забележиме дека еден тренд за убавина освојува многу жени, а тоа е: гел-лак.

Разубавувањето на ноктите со гел-лак не е само естетско решение, туку има и друга позитивна страна: жените повеќе не мора да се справуваат со проблемот со нанесување обичен лак секој втор или трет ден, ниту пак да се грижат дали нивниот нокт и лак ќе се избрише.

Единствено што треба да направат е да одат во салон и по еден час ќе имаат уредни, украсени нокти кои ќе траат до следниот месец.

Сепак, лекарите предупредуваат на една опасност

Сепак, лекарите сега предупредуваат дека третманот не е толку безопасен како што се мисли поради употребените материјали и опрема.

Имено, поради акрилатот кој се става на ноктите, лекарите истакнуваат дека кај дерматолог најчесто доаѓаат жени со иритации, оштетување на ноктите и алергии, но сепак тоа не е најголемиот проблем.

Лекарите всушност се повеќе загрижени за штетните ефекти на УВ зрачењето од ламбите што се користат за сушење на лаковите за нокти. Најновото истражување на научници од САД покажа дека УВ зрачењето од ламбите го зголемува ризикот од рак на кожата.

Експертите посочуваат дека проблемот не е толку голем доколку ваквиот третман со гел-лак се прави еднаш или двапати годишно, туку дека проблем е редовноста на третманите и дека нивното кумулативно дејство е опасно бидејќи „кожата памти сѐ“.

Тие посочуваат дека последиците можеби нема да се видат веднаш, но дека научните истражувања покажуваат дека поради изложеноста на УВ зраците од машината за сушење нокти се случуваат мутации на клеточно и молекуларно ниво и дека подоцна во животот може да се појави рак на кожата на рацете.

Истражувачите од Универзитетот во Калифорнија, Сан Диего ги проучувале уредите за сушење на гел-лак кои емитуваат ултравиолетово зрачење (УВ) и дошле до заклучок дека тие не се толку безопасни за употреба како што се мислеше. Откриле дека нивната употреба доведува до смрт на клетките и нивни мутации, што може да доведе до различни форми на рак на кожата на рацете. Истражувањето беше објавено на почетокот на јануари во научното списание „Nature“.

Дерматолозите долго време укажуваат на докажаните штетни ефекти на УВ зраците што ги испуштаат солариумските светилки и дека тие можат да доведат до рак на кожата. Уредите за сушење гел-лак во салоните користат различен спектар на УВ зрачење (340-395 nm), па дури и не беа предмет на студијата.

- Овие уреди се продаваат како безбедни, бидејќи никој не проучувал како тие влијаат на човечките клетки на молекуларно и клеточно ниво, изјави Људмил Александров, професор по биоинженерство и еден од авторите на студијата.