Huawei Nova 9 - Бидете тренди со најмоќната камера
Huawei има одличен смартфон за модерните кориснички кои сакаат да се вивнат во
височините на успехот, а притоа да бидат тренди со фантастичната камера и
бројните додатоци. Huawei Nova 9 е идеален смартфон за секоја жена со прекрасниот изглед, современиот дизајн
и прилагодените функции за успешно завршување на обврските.
Екипата на Женски Магазин одблиску работеше со Huawei Nova 9 на наше огромно задоволство. Huawei Nova 9 не е уште еден нов смартфон, туку е нешто ново во мобилната технологија, како од естетски така и од функционален поглед. Ви ги претставуваме главните причини поради кои Huawei Nova 9 треба да биде вашиот верен придружник во секојдневните авантури и предизвици.
Тренди изглед и ѕвездени карактеристики
Huawei веќе има легендарен статус за иновативни и квалитетни дизајни. Со Huawei Nova 9 оди чекор понапред. Мора да признаеме дека Huawei Nova 9 е еден од најдобро креираните смартфони кои сме ги виделе во последно време. Не воодушеви со новиот ѕвезден ефект на задниот дел со сината боја која и беше достапна на нашата редакција. Huawei Nova 9 е изработен од премиум стакло, а додаден е финиш кој му дава светкавост и под одредени агли на гледање има и мешање на нијанси на сино и виолетово.
Изгледот на ѕвездата Huawei Nova 9 е надополнет и со многу тенко тело и совршени димензии што го прави смартфонот лесен за носење во ташна или држење и управување без воопшто да тежи или да остава впечаток на гломазност и покрај големиот екран од 6.5 инчи.
Живот во 4K HD
Бистрото „око“ на Huawei Nova 9 ќе ги долови сите детали кои ви се важни, и ќе ви овозможи да креирате фантастични слики и видеа како со главната, така и со селфи камерата. Може да снимате симултано во 4K HD резолуција и со двете камери, како и во секое време да направите фотка.
Главната камера е креативно поставена во еден прстен каде е сместен UltraVision сензорот од 50 мегапиксели, а како ѕвезден кластер под неа се сместени трите помошни сензори. На предната страна во средина е поставена селфи камерата од 32 мегапиксели.
Одлични резултати се добиваат и при сликање навечер со слаба осветленост, но тоа не е никаков проблем за Huawei Nova 9. Покрај снимање на 4K HD видеа може да креирате и тајмлапс видеа, потоа снимање во забавена брзина (slow motion),а со Petal clip апликацијата може директно да ги едитирате вашите видеа за објава на стори или влогови.
Динамични и полни со енергија
Huawei Nova 9 е комплетен смартфон благодарение и на техничкиот капацитет со осум-јадрен 6 nm процесор, како и совршената оптимизација на софтверот преку HarmonyOS оперативниот систем. Со Huawei Share алатката може смартфонот Huawei Nova 9 да го поврзете со вашиот лаптоп како што е Huawei Matebook и да работите паралелно на двата уреда од еден екран, да споделувате и префрлате фајлови, слики и видеа, или да примате или воспоставувате аудио и видео повици.
За една динамична корисничка од исклучителна важност е брзото полнење на батеријата и нејзината долготрајност. Huawei Nova 9 го нуди токму тоа со батеријата со капацитет од 4300 mAh, како и екстра брзо полнење од 66w, па така целиот капацитет се полни за само 38 минути.
Бидете свои
Huawei Nova 9 лесно може да се прогласи за еден од најатрактивните смартфони во класата со достапна цена од околу 500 евра. Идеален е за кориснички кои сакаат моќен уред со врвни перформанси и симпатичен изглед кој ќе ги направи единствени и посебни. Huawei Nova 9 ги нуди најновите иновации како екран со 120Hz за динамично скролање без никакви кочења, располага со новата апликација MeeTime за непречена комуникација и видео повици, одлично работи со алатки за организација, продуктивност и деловни задачи и истовремено е практичен уред за мултимедија. Со Huawei Nova 9 ќе бидете свои и успешни, а притоа и одлично ќе се забавувате.
