Кај убав, па и преубав дом: Саша Коваќевиќ живее со својата девојка и нејзината ќерка во вистински луксуз во елитна населба

Животниот простор што може само да се посака, популарниот пејач го дели со неговата девојка Зорана Тасовац, со која е во врска шест години, и нејзината ќерка Искра. Декориран е во модерен стил, секој детал е внимателно одбран, секој агол крие посебна енергија.

„Штабот“ е голема дневна соба, удобна и полна со светлина. Преовладуваат топли, неутрални бои, а кога ќе влезете, првото нешто што ви го привлекува вниманието е големиот аквариум. Совршена „жива“ декорација со смирувачки ефект. Во станот има и студио, „канцеларијата“ на Саша, на која посебен шарм му дава бело пијано.

Во овие летни денови терасата е веројатно омилениот дел од станот. Има удобен мебел во бели и сиви тонови, застаклена ограда, како и фасцинантен поглед на Сава, новиот мост и „стариот“ Белград во далечината. Совршено место за романтична серенада со гитара или уживање во добра книга.

А бањата е катче за хедонизам. Иако тоа е просторијата во која поминуваме најмалку време, важно е таа да ги задоволува сите наши желби и потреби. Саша се одлучил за мермер.

Овој префинет материјал се смета за кралски камен, кој на секој простор му дава допир на гламур, елеганција и луксуз.

Извор: Блиц

Фото: Инстаграм