Како хотел на тркала: Брачен пар со бебе и две кучиња живее и патува во автобус и не планира да се врати во станот
Двојката го остави
својот обичен живот и го обнови автобусот од 1968 година
Лори Браун и нејзиниот сопруг Крис, за разлика од повеќето, го дочекаа своето прво дете додека живееја и патуваа во винтиџ автобус. Имено, парот зад себе го остави обичниот живот и реставрира автобус од 1968 година. Сега патуваат во Австралија со две кучиња и едно бебе и ја живеат својата авантура. Освен тоа, месечно заштедуваат околу 1.500 евра од кирија.
Тие се запознале на Тиндер и живееле заедно во Дарвин. Им требала промена, па се решиле на голем потфат.
Автобусот е како хотел на тркала. Отсекогаш сме сакале да имаме помал дом и живеењето во помал простор ни е одлично - вели брачната двојка. Имаат две кучиња - Џорџ и Френки, а потоа дошло и бебето.
Иако порано возеле непрекинато, извесно време биле стационирани на едно место поради бебето.
„Оукли сега има седум недели (но изгледа како седум месеци) и животот ни е одличен во стариот добар автобус.
Ние живееме таму со полно работно време веќе 5 месеци и едвај чекаме повторно да тргнеме на пат во новата година, но во меѓувреме, сè уште апсолутно го сакаме животот на Саншајн Коуст“, напишаа тие.
„Бевме многу фокусирани на грижата за детето во текот на неговата прва година, а социјалните мрежи дефинитивно застанаа на задното место, но подготвени сме да бидеме креативни и повторно да ги споделуваме со вас нашите збунувања од животот во автобусот“.
Автобусот ги чинел околу 17.000 евра. Крис ги претвора антиквитетите во светилки и го води бизнисот додека патува. За целосно да го трансформираат автобусот им биле потребни 18 месеци. Имаат микробранова печка, туш кабина, клима, тоалет и машина за перење. На задната страна на автобусот има тоалет и туш кабина, спална соба и кујна.
„Не ни треба простор како дневна соба бидејќи најчесто се одмараме надвор“, велат тие.
Фото и Видео: Инстаграм
