„ЌЕ РАБОТАМ ОД 9 ДО 5 ДОДЕКА ДА УМРАМ“ - Се повеќе луѓе се враќаат на работа и по пензија

Бројот на вработени лица постари од 65 години во Обединетото Кралство драматично се зголеми во последниве години. Во јули имало 1,46 милиони вработени, што е за 10 отсто зголемување во споредба со 1,33 милиони постари лица од 65 години кои работеле пред епидемијата со Ковид.

Хелен Фипс Вотсон, од Честер, е само една од многуте во ОК која предвидува дека ќе поминат години пред да престане да работи.

Таа е една од илјадниците луѓе кои мака мачат со трошоците за живот, не можат да планираат пензија. Ова не беше лошо финансиско планирање од страна на Хелен, нејзината работа како психолог и донесе шестцифрена плата, но кога нејзината мајка се разболе од рак во 2011 година, Хелен како единствено дете во семејството не размислува два пати пред да се откаже од својата работа за да се грижи за неа.