Ако можам јас можеш и ти: Кристина ослабе 60kg само за да влезе во венчаницата од соништата
Кристина првиот пат се омажи во единствената венчаница што можеше да ја собере - незадоволна од тоа, решила да го промени и да ја повтори церемонијата, овојпат во венчаницата која таа ја сака.
Четириесетгодишната Кристина Џордан од Аризона вели дека нејзината венчавка во 2001 година била најубавиот ден во нејзиниот живот, но тогаш не можела да ја облече омилената венчаница бидејќи во тоа време имала 123 килограми, што драматично и го стеснило изборот. Сега, откако ослабе 60 килограми, таа повторно се омажи за својот сопруг, носејќи го нејзиниот фустан од соништата.
Мајката на три деца, а сега и лиценциран нутриционист, рече дека нејзината тежина ја ограничувала при изборот на венчаница и дека морала да избере фустан што може да ја собере, кој е далеку од нејзиниот стил - но бил една од малкуте опции во нејзината големина, пишува Daily Mail.
Инаку, цел живот се борела со килограмите - пиела газирани пијалоци за појадок и преку ден и најмногу јадела брза храна, а вечерата ја завршувала со пржена храна и милкшејк за десерт.
По 20 години Кристина изгледа непрепознатливо затоа што апсолутно го променила начинот на исхрана и се посветила на вежбање, заменувајќи ја брзата храна со органски салати, смути, риба или посно месо.
Двојката ги обнови заветите на 20 годишнината од брак во 2021 година, а Кристина конечно се почувствува како вистинска невеста бидејќи конечно ја облече венчаницата од соништата.
Кристина изјави дека самодовербата и се вратила откако го запознала сопругот кој ја уверил дека е убава и дека секогаш ќе ја сака, без разлика на нејзиниот изглед.
- Сега кога ослабев, се чувствувам апсолутно неверојатно и како сосема нова личност. Не сум истата жена што бев пред да тргнам на ова патување. Јас сум посилна, помудра и посамоуверена. Нема да биде лесно, но ќе се исплати. Ако можам јас, тогаш можеш и ти - истакнува Кристина.
извор:najzena
