Маја овој септември сите 11 деца ги испрати во школо: Сопругот ѝ починал, таа турка напред сама
Маја Ковачевиќ од селото Врдила кај Краљево има 11 деца. Од 2018 година кога почина нејзиниот сопруг Радиша, таа сама се грижи за сите. Колку е трудот покажува и фактот што понекогаш јадат и до 30 јајца за појадок.
„Кога ќе заспијат, обавезно ги посетувам. Прво ги бројам, а кога ќе се уверам дека се сите таму и кога ќе видам колку безгрижно и слатко спијат, сфаќам колку имам среќа“, вели Маја и додава дека тогаш многу често молчејќи се брои дали во текот на денот згрешила за некое дете, како и дали е добар родител.
Првиот училишен ден, воедно и омилениот ден на сите родители, но и на децата кои брзаат да се сретнат со своите другари, претставува посебна возбуда во секој дом и бара одредени подготовки. Но, во домот на Маја Ковачевиќ, самохрана мајка на единаесет деца, оваа година има посебно значење затоа што на втори септември сите нејзини деца тргнале на училиште, а едно на факултет.
Како што раскажува оваа храбра мајка за српски Телеграф деновите на подготовка за 2 септември поминале набрзина, а годинава најмладиот син Ѓорѓе тргнал во прво одделение.
- Годинава сите деца тргнаа на училиште, дури и најмалиот, Ѓорѓе. Сите беа толку среќни и радосни. Подготовките за првиот училишен ден минаа набрзина, но фала богу завршивме се на време - вели Маја.
Организирањето на заминување и враќање од училиште не и е лесно на оваа богата мама, но, како што вели, сите некако се навикнале, а обврските не смеат да трпат и мора да се завршат.
- Па, сите се навикнавме и се подготвивме. Многу е убаво кога сме сите дома, но има обврски. Децата до осмо одделение сите одат пред пладне, а попладне сите сме слободни. Два сина живеат во Врњачка бања во работните денови бидејќи таму одат во средно училиште. Оваа година и најстарата ќерка почнува на факултет - вели Маја.
Самотијата додека се на училиште, вели, и помага да ги заврши домашните работи, но и кога е полна куќата секој си има свои обврски и со заеднички сили работата брзо се завршува.
- Некогаш е полесно кога се на училиште за да можам да се посветам на некои обврски и задолженија низ домот, иако ние дома, бидејќи сме повеќе, имаме свои обврски. Што се однесува до можноста да пишувам книги или нешто поврзано со работата што ја работам, навистина е некако полесно, но и чудно е затоа што сум навикната некој секогаш да е тука – истакнува Маја за Телеграф.рс.
Кога сите одат на училиште, оваа вредна и пожртвувана мајка тргнува во акција - ја чисти куќата, ги става алиштата и садовите за перење и подготвува храна, но, истакнува, дека тоа не претставува ништо комплицирано за неа.
- Па кога сите ќе заминат, јас го собирам расфрланото, ја вклучувам машината за перење, машината за миење садови и потоа подготвувам нешто за ручек. Во суштина, ништо комплицирано, ниту напорно. Имам време и да седнам да прочитам нешто и да подготвам нова книга што ќе излезе во октомври. Пред неколку дена излезе нашата песна напишана од Владика Николај - „Гладен човек“. Се работи за песна посветена на сиромашните, болните, тажните и напуштените, како апел и желба сите да се трудиме да бидеме добри луѓе, и да си помагаме и да шириме љубов - изјави Маја на крајот за Телеграф.
ФОТО: Фејсбук
