Српската пејачка Марија Шерифовиќ моментално престојува во Америка каде малата Миња Матиќ се лекува токму благодарение на хуманитарниот концерт кој пејачката го организираше, а сега тие две заедно уживаат на плажа.

Имено, Марија веќе некое време престојува во Америка, веќе и беше во посета на малата Миња, а овој пат тие две уживаат заедно на сонце, на плажа, пејачката со кафе, а малата Миња со супа со кнедли.

-Нема навистина смисла само јас да се сончам и капам. Јас кафенце, Миња супа со кнедли и Бог да не види - напиша Марија во описот на фотографијата која ја сподели на социјалните мрежи.

Шерифовиќ пред неколку дена прв пат ја посети Миња во Америка, а при таа прилика на девојчето му упати силни зборови и даде ветување кое сигурно сите едвај чекаат Марија да го исполни.

-Љубовта раѓа херои. Каков змеј е оваа малечка. Не можете вие тоа ни да го замислите. Обожава играчки, а Нутела уште повеќе. И кога се ова ќе биде минато - Миња еве јас јавно ти ветувам дека ќе бидеш прва личност со која ќе истрчам цел круг околу нашите Шумарици-напиша Марија минатата недела.

На почетокот на декември Марија одржа маратонски хуманитарен онлајн концерт, со цел да ги собере сите што можат, за да и помогнат на малата Миња Матиќ во борбата со болеста -  мускулна атрофија на 'рбетниот столб, а хуманите гледачи го следеа концертот и донираа пари за лекувањето на Миња.

Фото: Инстаграм

Поврзани вести