Животна училница // Приказни
МНОГУ МЛАДИ СЕ ИСЕЛИЈА: Може ли Македонија да ги врати назад оние кои заминаа во странство?
Проценките се дека повеќе од 77.000 млади луѓе од Македонија заминале во странство последните години.
За шест проценти се намалил бројот на младите меѓу двата пописа од 2002 до 2021 година. Граѓаните велат дека многу работи треба да се сменат во државата за да се вратат oние кои се иселиле. Засега тоа сценарио им изгледа како невозможна мисија.
„Тоа многу тешко ќе се оствари. Луѓето се навикнуваат на поубав живот, на повеќе пари. Јас не познавам луѓе кои се отселиле, потоа да се вратат, освен оние кои веќе влегле во пензија и доаѓаат тука за да уживаат со тие пензии“, рече Снежана Мирчевска, граѓанка.
