Модно студио Кадора – четврт век традиција: Отворена нова продавница на брендот во Скопје
За љубителите на уникатно парче облека, Модното студио «Кадора» отвари ново модно катче во главниот град, како одговор на барањата да се биде поблиску до своите клиенти. Дваесет и пет годишната успешна модна приказна на брендот “Кадора”, од самите почетоци е поврзана со Куманово, од каде што низ годините е градена и усовршувана модна култура позната и надвор од овој град.
Во центарот на Скопје се раплете традицијата, но и современата приказна, која ја раскажува модата во едно уникатно поглавје. Дизајнерката Сузана Темелковска доследна на својот изграден препознатлив стил и сензибилитет, заедно со својата ќерка Никита, креативна и со префинет вкус, ќе се потрудат да им го доближат уникатниот моден дизајн на пошироката публика.
Скопјани и сите останати посетители, веќе од сега ќе имаат можност да го посетат автентичниот амбиент, кој што го рефлектира веќе препознатливиот профил на брендот Кадора и со уживање самите да придонесат да го креираат и да го купат своето омилено уникатно модно парче.
На отворањето беа изложени уникатни дизајни на модното студио Кадора, меѓу кои и урбани матурски фустани, раскошни свечени тоалети, но и модерни минималистички парчиња за деловни дами. Во рамките на модното студиото функционира и производствен сектор, каде ќе може да се израбоуваат креации по желба и по мерка на клиентите.
Модното студио Кадора се ноѓа зад зградата на Сојуз на синдикати на Македонија (ССМ), во центарот на Скопје.
