Морска оаза во која живее љубовта: Погледнете го парчето рај во кое ужива Сузана Манчиќ со својот сопруг
Сè што ќе замислите кога ќе помислите на лето во Грција, ви нуди куќата на српската водителка и грчкиот бизнисмен: спокојство, поглед на море и божествена природа
Познатата водителка Сузана Манчиќ со години е вљубена во грчкиот бизнисмен Симеон Окомокос, кој на јавноста ѝ е попознат под прекарот Симица.
Двојката дели голема љубов, па километрите кои ги делат не ги спречија да ја зацврстат врската која во 2018 година и официјално беше крунисана со брак. Цело време водителката живее на релација Белград-Атина, а во една прилика истакна дека не се откажува од родниот град.
- Тешко е да се пресадат корени на оваа возраст. Да бев помлада, веројатно ќе бев таму. Сепак, ова е мојата земја, а Белград е мојот град. Во Атина одам 20 години, таму имам пријатели, мојот сопруг. Љубовта моја. Но, јас сепак ќе бидам на линија Атина-Белград, а авиокомпаниите ќе живеат добро од мене и понатаму - истакна Сузана како гостин во една емисија.
Сузана и нејзиниот избраник имаат неколку недвижнини во кои можат да уживаат, а пред извесно време медиумите објавија дека парот купил имот на Тара.
Сепак, без сомнение најголемото парче од рајот е релаксирачката куќа на Пилиопон, полуостров во Тесалија помеѓу Атина и Солун, што е сè што ќе замислите кога ќе помислите на летото во Грција.
Погледнете како изгледа.
Местото кое Грците го нарекуваат „одморалиште на боговите“ се наоѓа на брегот на прекрасното Егејско Море, а водителката повеќепати споделувала фотографии кои сведочат за оваа прекрасна оаза.
Водителката и бизнисменот уживаат во рустикална камена куќа опкружена со антички земјени тегли, совршено наредени цвеќиња и многу удобен мебел за одмор во летните денови. Сузана особено ужива во лежењето во сенката на богатите врвови на дрвја и мирисот на хортензиите, на плетен мебел со удобни перничиња.
