Неодамна славеше прв роденден на ќерката, и таа загина во пожарот во Кочани: Младата инспекторка Марија Спасова
Младата инспекторка Моника Спасова, мајка на едногодишно девојче загинала во страотниот пожар што избувна во дискотека во Кочани во неделата рано наутро. Моника е една од 59-те жртви на трагедијата што го потресе целиот регион.
Откако слушнала за трагедијата во дискотеката, нејзиното семејство ја барало Моника низ сите болници. Нејзината фотографија ја објавија на социјалните мрежи, барајќи од граѓаните да ги известат доколку имаат информации за неа.
Апелот брзо се прошири на профилите на пријатели, познаници и други корисници на социјалните мрежи кои сакаа да му помогнат на семејството. За жал, во еден момент стигна најстрашната вест - Моника е една од 59-те жртви на трагедијата.
„Мајкино око, не ми се верува. Мајкино око, не можам без тебе. Мајкино око, на кого да му се радувам сега? Мајкино око, душата ми се распаѓа“, напишала неутешната мајка на убавата Моника.
Моника зад себе остави ќерка (1), сопругот, родителите и брат и сестра.
Според објавите на социјалните мрежи, Моника дипломирала на криминалистичката академија минатата година.
„Нашата убава Мони. Животот не е фер, нека почива во мир. Го остави своето пиле да расте без нејзин допир и љубов. Чувајте се сите, треба да се преживеат овие тешки денови“ , пишува во еден од бројните коментари под објавата на која се гледа како Моника насмеана позира со ќерката во раце.
Како што може да се види на нивните профили на социјалните мрежи, тие пред само еден месец направиле голема забава за првиот роденден на ќерката на Моника.
Да потсетиме, најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва имала само 14 години. Повредени се најмалку 150 лица, кои се пренесени во болниците во Кочани, Штип и Скопје, а потоа итно пренесени во околните земји.Можеби ќе ве интересира
