Никола Роквиќ тргна пеш на пат долг 1.150 километри: Хумана мисија чувана во тајност со месеци
Пред да замине на патувањето, тој со семејството ја посети црквата Свети Сава
Вчера на 22-ри април, познатиот српски пејач Никола Роквиќ пеш тргна кон Грција и мора да помине 1.150 километри, а сето тоа поради хуманитарната мисија што ја има.
Тој и неговата сопруга Бојана неодамна ја основаа „Фондацијата Фамилија“, а за да им помогне на оние на кои им е потребна помош, реши да направи неверојатен чекор достоен за восхит. Треба да стигне до Егина, каде што ќе се поклони на Свети Нектариј Егински.
Пред заминувањето тој со семејството ја посети црквата Свети Сава каде се помоли.
- По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за раст на многумина, се надевам дека ќе биде за помош на многумина. Првенствено да се помогне на многу семејства, на многу деца, но она што е најважно е да им се помогне на болните деца, поради што во голема мера го започнав ова патување. Започнавме фондација која ќе му помогне на семејството, која ќе им помогне на талентирани деца, на многудетните семејства, но и на болните деца - рече Никола во храмот Свети Сава.
Вчеравечер со своите следбеници сподели дека испешачил речиси 34 километри за пет часа.
- Првиот ден е готов - напиша Никола Роквиќ преку социјалната мрежа Инстаграм.
Тој потоа се смести во шаторот, запали логорски оган да се стопли, па спиеше. Сето ова го сподели и со своите следбеници на Инстаграм.
За настанот зборуваше и сопругата на Никола, Бојана Баровиќ.
- Сам планинари. Известувањето во врска со целиот настан ќе биде објавено - рече Бојана.
Извор: telegraf/republika.rs
