Никола Тесла ја открил тајната за долговечност: Еве што јадел секој ден, колку спиел и која храна посебно ја одбегнувал

Добивај вести на Viber

Во книгата „Моите пронајдоци: Автобиографијата на Никола Тесла“, тој изјавил дека обично појадувал млеко и јајца, го прескокнувал ручекот и сакал  да јаде супа од зеленчук.

- Јадам два пати на ден и ги избегнувам сите намирници кои создаваат киселина. Повеќето луѓе јадат премногу зелен лиснат зеленчук кој содржи урична киселина и други токсини. Јадам свеж зеленчук, риба и месо ретко и умерено. Иако рибиното месо е добро за мозокот, создава силна киселинска реакција поради високата количина на фосфор. Киселоста на телото е нашиот најголем непријател во староста. Компирите се одлични и треба да се јадат секојдневно. Содржат скапоцени минерални соли и имаат неутрализирачко дејство.

Тој потврдил дека избегнува месо во интервју од 1935 година:

- Речиси целосно избегнувам месо. Убеден сум дека за помалку од еден век кафето, чајот и цигарите ќе излезат од мода. Алкохолот, сепак, ќе продолжи да се користи, бидејќи тој не е стимуланс, туку вистински еликсир на животот – изјави големиот научник.

Тој верувал дека важните навики се стекнуваат уште на рана возраст.

- Состојбата на нашето тело и дух во староста е целосно сведоштво за тоа како ја поминавме младоста. Тајната на мојата сегашна сила и виталност лежи во тоа што во младоста, така да се каже, живеев живот без пороци – рече тој.

Тој исто така бил и голем поддржувач на вежбањето.

- Верувам дека треба многу да вежбате. Пешачам од осум до 16 километри секој ден и никогаш не земам такси или друг превоз кога имам време да ја искористам силата на нозете. Исто така, вежбам со капење секој ден, бидејќи мислам дека е многу важно. Користам топла купка проследена со долг ладен туш.

Кога станува збор за спиењето, тој изјавил:

- Речиси никогаш не спијам. Потекнувам од семејство на долговечни луѓе, кои се познати по тоа што не спијат многу. Се надевам дека ќе го достигнам рекордот на моите предци и ќе живеам барем 100 години. Недостатокот на сон не ме загрижува. Понекогаш дремам по еден час. Меѓутоа, повремено, на секои неколку месеци, спијам по 4 до 5 часа. Потоа се будам целосно наполнет со енергија, како батерија. После таква ноќ, ништо не може да ме спречи. Тогаш чувствувам огромна сила. Несомнено е дека сонот е обновувач, давател на живот, дека ја зголемува енергијата. Од друга страна, не верувам дека тоа е неопходно за нечие здравје, особено ако се работи за некој кој вообичаено малку спие – објаснил познатиот научник.

На 77-годишна возраст, тој изјави:

- Никогаш во животот не сум се чувствувал подобро. Јас сум енергичен, силен, целосно го контролирам мојот начин на размислување. Дури и во мојот цут, ја немав енергијата што ја имам денес. И што е уште поважно, користам само дел од енергијата што ја имам за решавање на проблемите, бидејќи научив како да ја зачувам.