Оригинален рецепт за македонски пинџур: Зимница без која не може да се замисли зимата

Поубаво од лутеница, сериозна конкуренција на ајварот

Заедно со ајварот и лутеница, пинџурот е зимница без која не може да се замисли домашна зима на нашите простори. Пинџур е јадење со македонско потекло , но рецептот брзо се прошири низ целиот Балкан.

Специјалитетот од југ , како пишуваат соседите ги краси масите во сите поранешни југословенски републики, а во многу куќи се јаде и се сака „рамо до рамо“ со ајварот.

Состојки:

-1,5 кг печени пиперки

-800 гр печен патлиџан

-400 мл густ сок од домати

-50 гр лук

-3-4 дл масло

-40 гр сол

-1 лажица шеќер

-1 лажица оцет

-2 лути пиперки (по избор)

Подготовка:

Испечете ги пиперките и модриот патлиџан и излупете ги. Сомелете го модриот патлиџан и лукот. Исечкајте ги пиперките. Ако ви е полесно, можете да ја исцепкате пиперката наместо да ја сецкате.

Загрејте го маслото во тава, а потоа додадете ја пиперката.

Пржете околу 15 минути, потоа додадете модар патлиџан и постепено додајте ги доматите. Динстајте на тивок оган околу половина час.

Промешувајте често, бидејќи модриот патлиџан лесно се лепи. На крајот, додадете сол, шеќер и оцет. Варете уште една минута, а потоа истурете во стерилизирани тегли. Оставете да се излади.

Пријатно!

Фото: Принтскрин Јутујб