Пообилни врнежи од дожд ќе ги зафатат западните делови од Македонија
Времето денеска ќе биде умерено до значително облачно, особено попладнето и вечерта.
Утрово на места во западните делови има појава на дожд, а попладне и во вечерните часови ќе има локален пороен дожд и ретка појава на грмежи во најголемиот дел од државата. Врнежите ќе бидат пообилни во западните делови на Македонија. Ќе дува слаб до умерен ветер од југоисточен правец. Утринските температури се движат во интервалот меѓу 4 и 10 степани, а максималните дневни соодветно ќе се движат од 11 до 20 Целзиусови степени. Во Скопје денека ќе биде променливо облачно, попладне со повремен умерен до пороен дожд кој ќе продолжи и во ноќните часови. Дневната температура ќе биде до 19 степени. И деновиве имаше врнежи од дожд низ Македонија. Деновиве имаше и ниски температури низ Македонија.
