„После таа ноќ ништо не беше исто“: Џенан Лончаревиќ со шокантна исповед за настанот кој целосно го промени
Иако не сака да открива детали од приватниот живот, Џенан овој пат направи преседан
Пејачот Џенан Лончаревиќ со години е познат како музичар со глас кој може да допре до сечии емоции. Тој самиот, многу емотивен, добро го знае патот до човечкото срце, а во текот на својата долга кариера речиси никогаш јавно не зборуваше за својот приватен живот.
Но, тоа не значи дека неговиот живот не се менувал наизменично меѓу тага и радост, туку една случка за него била голема тага, која до ден денес му оставила празнина во срцето.
Токму на овој настан пејачот во една прилика се присети и со воздишка во гласот откри дека преживеал загуба која оставила трајни последици врз него.
Имено, Џенан открил дека го загубил својот брат за кого бил исклучително приврзан и кој му значел многу во животот.
Со оглед на професијата со која се занимава, пејачот наиде на уште една голгота. Тој мораше да настапи само 20 дена откако неговиот брат почина. Неговото срце тагуваше, а тој мораше да излезе пред публиката и да покаже дека е среќен и подготвен да ја пренесе радоста на публиката која дошла да го слуша.
Сè издржа стоечки, го „истурка“ настапот до крај, но, како што вели, никогаш нема да го заборави.
- Ќе ви кажам еден детаљ што некои погрешно го протолкуваа, но само јас знам колку морав да се победам во тој момент. Една новогодишна ноќ морав да излезам на сцената навидум среќен, насмеан и одлично расположен - почна Џенан, а потоа продолжи:
- Морав да пеам цела ноќ и да создадам одлична атмосфера. Неполни дваесет дена пред тоа го изгубив сопствениот брат, но не можев да го откажам настапот и не сакав да ги изневерам луѓето кои очекуваа одлична новогодишна ноќ. Велат дека било феноменално, но никој не знаеше дека огромната, неподнослива болка морам да ја прикријам со насмевка – откри и на крајот додаде:
- Ретко зборувам за тоа, ретко се сеќавам на таа ноќ, но знам дека после неа многу работи веќе не беа исти - изјави во една прилика Џенан Лончаревиќ.
Исто така, многумина не знаат дека на братот Џенан му ја посветил песната „Страх ме да те сањам“ на својот починат брат, која се наоѓа на неговиот албум од 2009 година.
Извор: glossy.espreso.co.rs
