Сакав Барак да го фрлам низ прозор: Мишел Обама искрено за својот брак

Поранешната прва дама на Америка отворено зборуваше за својот брак во својот подкаст.

Мишел откри дека на бракот треба да се пристапи како избор на кошаркарска екипа. Таа пред извесно време му ја отвори душата на славниот водител и комичар Конан Обрајан, кажувајќи некои детали од бракот со поранешниот американски претседател Барак Обама, пишува Гардијан.

- Мора да знаете дека ќе има моменти, дури и долги периоди кога нема да се толерирате едни со други - рече Мишел и продолжи:

- Имаше моменти кога сакав да го фрлам Барак низ прозорецот. Нормално, не во буквална смисла, но некои нешта ја прелејаа чашата. Тоа не значи дека треба да се откажете. Лошите периоди можат да траат до една година.

Таа вели дека денес паровите, особено оние со мали деца, се борат со исцрпеност, стрес и поделба на одговорностите и лесно се откажуваат од своите врски.

Токму затоа што не се зборува доволно за тешките периоди во бракот, младите парови раскинуваат штом се соочат со првиот предизвик или потешкотија, мислејќи дека не можат да ги надминат.

- Она што сакам да го кажам е дека ако таквите работи ги расипат браковите, тогаш бракот мојот брак со Барак е малку расипан. Како и да е, имаме силен брак, ако тогаш се откажев и заминав во тешки моменти, ќе ми недостасуваше целата убавина што е исто така присутна - открива Мишел.

После проблемот со стерилитетот, таа беше подготвена за своите деца.

Мишел и Обама имаат две ќерки Саша и Малија Ен, а сопругата на поранешниот претседател на САД откри дека децата целосно ја менуваат динамиката на бракот.

- Не би ги менувала своите ќерки за ништо, но децата понекогаш можат целосно да го нарушат бракот. Морав да бидам присутена цело време, а мојот сопруг го водеше својот живот. И тогаш има занемарување, па се прашувате што се случи со нашиот брачен сојуз, што се случи со мојот најдобар пријател?

Таа заклучи дека за успешен брак потребно е и двајцата партнери да се стремат кон успех, да бидат силни и способни.

Да потсетиме, Мишел и Барак Обама се сретнаа уште во 1989 година, а во октомври тие ќе ја прослават 29-годишнината од хармоничниот и успешен брак.