Samsung Electronics ја претставува Bespoke JET™, AI паметната правосмукалка

Добивај вести на Viber

Samsung Electronics го објави глобалното лансирање на Samsung Bespoke JET™ AI, најмоќната досега  безжична  стик правосмукалка од портфолиото на Samsung, со моќност на вшмукување до 280W¹, подобрена All-in-One Clean Station™ и вештачка интелигенција (AI) базирана на функционалност. Bespoke JET™ AI глобално ќе биде достапна од јуни на пазарите во АВстралија, Европа² и САД, со пред-нарачки кои започнуваат денес.  

Со моделиᶾ од 250W и 280W, правосмукалката Bespoke JET™ AI е достапна во две безвременски Bespoke бои: Satin Black и Satin Greige⁴.

„Bespoke JET™ AI е дизајнирана за сечиј начин на живот, благодарение на неjзината моќ на вшмукување од светска ранг и перформансите за чистење базирани на вештачка интелигенција, кои автоматски се оптимизираат кон секаква средина“, рече Junwha Lee, извршниот потпретседател и раководител на тимот за корисничко искуство на работење со дигитални уреди во компанијата Samsung Electronics.

Најмоќната и најдолготрајна безжична стик правосмукалка досега од Samsung

Bespoke JET™ AI располага со моќен Hexajet Motor 2.0 со моќност на вшмукување до 280 W и максимална моќност на моторот од 720 W, што го прави најмоќниот вакуумски мотор на Samsung досега. Овој ултра лесен мотор, со тежина од само 150 g, е исто така најлесниот досега во портфолиото на компанијата, за да се овозможи поудобна употреба додека обезбедува 25% зголемување на моќта на вшмукување и 52% зголемена ефикасност на чистење во споредба со претходниот модел⁵.

За да им се овозможи на корисниците да чистат подолго без да мора да го прекинат полнењето, Bespoke JET™ AI има времетраење од 100 минути, што е најдолго време на работа со една батерија од која било безжична стик правосмукалка Samsung. Батеријата од 4500 mAh има 80% поголем капацитет од претходниот модел и е оптимизирана да одржува 70% од своите перформанси до 500 циклуси⁶.

Bespoke JET™ AI, исто така, им нуди на корисниците разновиден избор на четки и  други додатоци. Активната двојна четка нуди ефикасно чистење на сите видови подови и вградено LED светло за осветлување на прашината на темни места, додека со тенката LED четка може уште повеќе дополнително да се маневрира, а LED осветлувањето придонесува за ефикасно чистење на проблематичните области. За поудобно складирање на уредот и неговите четки, држачот за додатоци им овозможува на корисниците да го постават својот уред каде што сакаат.

Чистење базирано на вештачка интелигенција  за најефикасно искуство со чистењето

Со својот сосема нов начин на работа со вештачка интелигенција кој користи Samsung AI Optimum Tech, Bespoke JET™ AI ефикасно го вшмукува и чисти секој простор. Bespoke JET™ AI е првата безжична стик правосмукалка која поседува верификација за вештачка интелигенција (AI verification) од UL Solutions, водечка, независна научна организација за безбедност при користење вештачка интелигенција. AI начинот на чистење правосмукалката може да го одреди типот на подот за да обезбеди оптимално чистење и максимална ефикасност на батеријата.

Со начинот за чистење со вештачка интелигенција, Bespoke JET™ AI прво ќе го открие оптоварувањето на четката со кое се среќава преку контролерот за флексија на вшмукување, како и притисокот на воздухот преку неговите сензори за притисок. Овие податоци потоа ќе се анализираат за да се класифицира типот на подот на кој е поставен, а добиениот интелигентен алгоритам автоматски ќе се примени за прилагодување на оптималната моќност на вшмукување и брзината⁷ на валјакот за максимална ефикасност.

Начинот на чистење со вештачка интелигенција кај Bespoke JET™ AI е способен да ја намали потрошувачката на батеријата до 14% и да го зголеми маневрирањето до 6% кога се користи со активна двојна четка. Меѓутоа, кога се користи со тенка LED четка, потрошувачката на батеријата може да се намали до 21% со зголемена флексибилност до 8%.⁸

Со режимот за чистење со вештачка интелигенција на правосмукалката Bespoke JET™ AI, SmartThings и Smart Wi-Fi поврзувањето им овозможува на корисниците да ја приспособат својата правосмукалка и нејзините функции за оптимално чистење и на тој начин да обезбедат супериорни перформанси на правосмукалката преку паметна функција за самодијагностика за ефикасно искуство со чистењето.

Поголема хигиена со надграденатаAll-in-OneClean Station™

Подобрената All-in-One Clean Station™ на правосмукалкатаBespoke JET™ AIја користи технологијата Air Pulse која автоматски го празни садот за побрзо и похигиенско чистење. Кога садот за прашинасе празни, моќната технологија Air Spin Edge на Bespoke го врти Spinning Cyclone со брзина на сечилото до 1.000 вртежи во минута за да го отстрани целата отпад прашина, вклучувајќи ги и сите преостанати предмети што може да се заглават во решетката за прашина.

Подобрената All-in-One Clean Station™ исто така располага со ажурирано автоматско затворање на капакот по секое празнење на садот за прашина и нуди посилни перформанси за управување со прашината преку 99,999% повеќеслојниот систем за филтрација на правосмукалката за фаќање ситна прашина, и подобрено отстранување на влакненца за 99% за почисто и повеќе хигиенско празнење садот за прашина .

Лансирањето на Bespoke Jet™ AI ја претставува намерата на Samsung да го зголеми своето присуство на глобалниот пазар  на стикправосмукалки, надоградувајќиго наследството на компанијата да им обезбеди на потрошувачите решенија кои нудат супериорен дизајн, како и практична употребливост.

За да дознаете повеќе за тоа како Bespoke Jet™ AI им пружа на своите корисници паметно, силно и темелно искуство за чистење кое се темели на продолжено време на работата на уредот, лесно маневрирање и хигиенски искуства на празнење на садот за прашина, посетете ја страницата на Samsung.com.

¹Врз основа на тестирање од Лабораторијата за тестирање на Кореја, во согласност со стандардот IEC62885-4: 2020. Се мери на влезот на немоторизираната алатка кога садот за прашина е празен, со помош на Jet Mode и батерија со голем капацитет што е целосно наполнета.

²Bespoke Jet™ AI ќе биде достапна од јуни на следните пазари на ЕУ: Франција, Германија, Италија, Полска, Шведска, Холандија, Обединетото Кралство.

ᶾМоделот Bespoke Jet™ AI 280 ќе биде достапен во Австралија, Европа, а американскиот Bespoke Jet™ AI 250 модел ќе биде достапен само во Австралија.

⁴Моделот во боја на Satin Black ќе биде достапен на глобално ниво, а моделот во боја Satin Greige ќе биде достапен во Австралија и во САД (Амазон).

⁵Во споредба со моќта на вшмукување од 210 W на Bespoke Jet.

⁶Одржува 70% капацитет по 500 циклуси на употреба, врз основа на капацитетот на пакетот батерии (4500mAh). 1 циклус: Целосно празнење по целосно полнење (100% ~ 0%). Резултатите може да се разликуваат во зависност од употребата. Врз основа на внатрешно тестирање.

⁷Прилагодувањето на брзината на четката е применливо само за Jet Dual.

⁸Врз основа на внатрешно тестирање при користење на Active Dual Brush, во согласност со глобалниот просечен однос на составот на подот - дрвен под 76% и тепих 24%. Ги постигнува истите перформанси на чистење како Mid режимот со 2% или помала разлика во ефикасноста на чистењето, во согласност со IEC 62885-2 Cl. 5.1 и 5.3 стандард. Потрошувачката на батеријата беше измерена врз основа на реалната количина на потрошена енергија при користење на правосмукалката 35 минути од целосно наполнета состојба. Маневрирањето се заснова на вистинската измерена вредност во согласност со IEC 62885-2 CL. 7.3.9 стандард. Резултатите може да се разликуваат во зависност од вистинските услови на користење. Ефектот може да се разликува кога се користи Slim LED Brush+.

⁹Врз основа на внатрешно тестирање. Стапката на отстранување на влакна се мери со споредување на тежината на садот за отпад пред и по вшмукувањето на влакната додека не стигне до линијата Max и не се испразни со помош на Clean Station. Резултатите може да се разликуваат во зависност од вистинските услови на користење.

За компанијата Samsung Electronics Co., Ltd.

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизори, паметни телефони, уреди за носење, таблети, дигитални уреди, мрежни системи и меморија, LSI системи, кастинг и LED решенија. За најновите вести, посетете ја http://news.samsung.com