Samsung ја претстави новата линија на Bespoke уреди на виртуелниот настан Bespoke Home 2022 година
Samsung Electronics ја
проширува визијата на Bespoke Home претставувајќи
ги новите приспособливи опции за дизајн, попаметни опции за поврзување и одржливи
решенија за продолжување на
животниот циклус на производите
Компанијата Samsung Electronics вчера беше домаќин на Bespoke Home 2022, глобалниот виртуелен настан на кој беше претставена новата линија на Bespoke уреди. Овогодинешната тема е изградена врз концептот за проширување на просторот, како би се заштедило време и би се обезбедило потполно искуство во домот што ги надминува стандардните апарати за домаќинство.
„Позитивниот одзив на минатогодишниот настан Bespoke Home нѝ докажа дека нашата визија за подобро уживање во домот преку инспиративен дизајн, прилагодување и интелигентно поврзување е посакувана од луѓето ширум светот. Возбудени сме што оваа година, ќе ја градиме нашата визија нудејќи им на клиентите повеќе можности да се изразат, да искусат поврзани услуги и да живеат одржливо во својот дом благодарение наBespoke уредите“, изјави JaeSeung Lee, претседател и раководител на одделот за дигитални уреди во Samsung Electronics.
Експанзијана Bespoke Home 2022
Оваа година Samsung нуди сеопфатно искуство во домот проширувајќи го Bespoke концептот. Фокусот е на надградените кујнски и дневни апарати со елегантни бои, ажурирани карактеристики и врвни завршетоци. Новина во оваа линија е глобалното лансирање на Bespoke машината за перење и сушење со вештачка интелигенција, како и новите Bespoke кујнски апарати.
За европскиот пазар, оваа линија вклучува сосема нови Bespoke уреди за печење базирани на AI технологија, кои ќе бидат претставени во втората половина на 2022 година. Bespoke рерната нуди поврзани функции преку апликацијата SmartThings, благодарение на која готвењето ќе биде полесно, повкусно и поефикасно. Технологијата AI Pro Cooking™ може да ги препознае состојките, соодветно да ги оптимизира поставките и да ја следи храната додека се готви, како би спречила претерување или недоволно печење. Функцијата Dual Cook Steam им овозможува на корисниците да подготвуваат здрави оброци и храна на пареа во рерната користејќи различни поставки во исто време. Дополнително, функцијата Sense-to-Open едноставно ја отвора вратата на рерната со само еден допир, што придонесува за елегантен и минимален дизајн со рамни врати без рачки. Остатокот од Bespoke серијата, вклучува машина за миење садови и индукциска плоча за готвење кои ќе бидат достапни во втората половина на 2022 година.
Новата машина за перење и сушење Bespoke со вештачка интелигенција ќе биде опремена со најновите технологии за заштеда на енергија и еколошки функции, вклучувајќи AI Ecobubble, AI Wash и SpaceMax.
Од Samsung на настанот истакнаа дека Bespoke дизајнот еволуирал низ различни натпревари за дизајн, соработки со уметници и ексклузивни панели, прикажувајќи ги приспособливите карактеристикина Bespoke. Samsung соработуваше со познатите уметници Andyja Rementera и Alexa Probuteна специјалните проекти за дизајн на Bespoke фрижидерите, носејќи ново ниво на персонализација со неодамна претставената услуга MyBespoke во САД. MyBespoke ќе им понуди на клиентите можност да дизајнираат и произведуваат приспособени, уникатни панели за фрижидери со француски врати по нарачка. Таблите MyBespoke на Samsung се направени по нарачка и ќе бидат достапни подоцна оваа година во САД.
Попаметен, попрактичен живот во домот
Bespoke поврзаното искуство е повеќе од само управување со уреди преку апликација. Станува збор за создавање персонализирани искуства поврзани со домот со помош на технологијата за вештачка интелигенција како би се направил живот во домот попрактичен за сите корисници. Сè со цел да ги подобри овие способности, Samsung овој јуни на глобално ниво го лансира SmartThings Home Life Hub - центар за поврзување на уреди што комбинира шест основни домашни услуги: готвење, енергија, нега на облека, нега на домашни миленици, нега на воздух и домашна нега. SmartThings Home Life им овозможува на корисниците да го приспособат начинот на кој нивните уреди работат заедно врз основа на услугите што им се потребни.
SmartThings, ќе игра клучна улога во програмата за партнерство на Samsung со ABB, технолошкиот лидер ABB во развојот на сеопфатно решение за паметни згради. Оваа соработка ќе ги комбинира апликацијата Samsung SmartThings и ABB free@home® решение за беспрекорно поврзување со постоечките системи за управување со кориснички средства. Во вториот чекор, соработката ќе им овозможи на корисниците да поврзат низа уреди за подобро да ги пренесуваат електричните оптоварувања преку централизиран систем. Ова ќе донесе придобивки како што се заштеда на енергија и пари, како и намалување на емисиите на јаглерод, додека дополнително го проширува пристапот до апликацијата SmartThings и најновата технологија за паметни домови ширум светот
Одржливост од почеток до крај
Посветеноста да се помогне на животната средина долго време е во срцето на дизајнот на производите на Samsung. Најновите Bespoke уреди не се исклучок - сите се дизајнирани имајќи го предвид одржливиот животен циклус на производот од почеток до крај.
Samsung Bespoke уредите се направени да бидат што е можно поефикасни и одржливи. Започнувајќи уште од самото производство, Samsung се обидува да спречи контаминација на почвата со минимизирање на фабричкиот отпад, вклучително и фрагменти од стакло. Исто така, ги рециклира течните материјали како што се отпадното масло и бојата во гориво кои подоцна може да се користат повторно. Всушност, капацитетите за производство на дигитални уреди на Samsung во Кореја постигнаа стапка на рециклирање индустриски отпад од 93% во 2019 година, а веќе во 2021 година беше зголемен на 98%. Samsung ќе продолжи да ја зголемува стапката на рециклирање во иднина.
Во однос на испораката на производи, Samsung се бори со прекумерната зависност од природните ресурси со користење на еколошки кутии за пакување кои корисниците можат да ги пренаменат дома. Samsung нуди и дигитални прирачници преку QR кодови кои ја намалуваат употребата на хартија.
Одржливите карактеристики се прошируваат и на уредите што се користат. Фрижидерите на Samsung користат напреден компресор со дигитален конвертор додека машините за перење Samsung користат технологија како функцијата AI Ecobubble™. Со овие иновативни технологии, Samsung успеа да ја намали потрошувачката на енергија на фрижидерите за 67%[1] од 2000 до 2020 година и за 53%[2] за машините за перење алишта од 2011 до 2020 година. Резултатот од овие напори е препознаен од сертификатите на Energy Star. За корисниците на Samsung, ова значи намалување на трошоците за енергија, а истовремено намалување на емисиите на стакленички гасови.
Услугата SmartThings Energy, исто така, може да им помогне на клиентите да заштедат енергија со практично исклучување на апаратите кога не се во употреба, како и со прилагодување на ролетните и клима уредите, намалувајќи го трошењето енергија додека создавате одржливи навики дома.
Конечно, за секој домашен апарат, и правилното отстранување на крајот од животниот циклус на производот е од огромно значење во текот на процесот на одржливост. Обезбедувајќи подолготрајни домашни апарати, Samsung почнувајќи од јули, нуди 20-годишна гаранција[3], најдолгата гаранција што ја нуди Samsung во Европа и САД за клучните компоненти на уредот, како што се дигиталните инвертер мотори и дигиталните инвертер компресори за Bespoke уредите. Дополнително, благодарение на модуларниот Bespoke дизајн, корисниците можат да го прилагодат изгледот на своите домашни уреди кога ќе посакаат промена, наместо да купуваат сосема нови.
Производите на Samsung се дизајнирани да бидат флексибилни, издржливи и ефикасни, продолжувајќи го животниот век на производот, а истовремено намалувајќи го отпадот. Овие напори ја одразуваат одлуката на Samsung да помогне да се создаде поодржлива иднина.
# # #
За Samsung Electronics Co., Ltd.
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизори, паметни телефони, уреди за носење, таблети, дигитални уреди, мрежни системи и меморија, LSI системи, лиени и LED решенија. За најновите вести, посетете ја Newsroom на Samsung на http://news.samsung.com.
[1]Потрошувачката на енергија на фрижидерите на Samsung (со замрзнувач на дното) е намалена за околу 67% од 2000 година (прв пат на лансирање на ладилник со дното во Европа) до 2020 година. Споредени модели за пресметување на потрошувачката на електрична енергија по нето литар капацитет (врз основа на ознаката за енергија на ЕУ) се SL39SP3 / XEU продадени во 2000 година и RB37R5 ** R ** продадени во 2020 година.
[2]Потрошувачката на електрична енергија на машините за перење Samsung (тип на барабан) е намалена за околу 53% од 2011 година (применета со новите ревидирани енергетски регулативи во Европа) до 2020 година. Споредени модели за пресметување на потрошувачката на електрична енергија (врз основа на EEI од Извештајот за енергија на ЕУ) се WF0704L7W продадени во 2011 година и WW12R640U0M во 2020 година.
[3]Достапна е 20-годишна гаранција за дигитален инвертер мотор и дигитален инвертер компресор за фрижидери и машини за перење во европскиот регион и машини за перење во американскиот регион.
ПР објава
