Сестрата на Северина се одрече од неа бидејќи се омажи за Србин, а другата ѝ нанесе повреди: Тажната семејна приказна на познатата пејачка

Северина Вучковиќ повеќе од две децении го привлекува медиумското внимание и со својата музика и со приватниот живот.

Северина со приватниот живот постојано е во центарот на вниманието, а семејството се трудеше да го држи подалеку од очите на јавноста, но всушност не ѝ успеа.

Освен со синот Александар, пејачката е врзана за мајка си Ана, но не и за сестрите Зденка и Маријана.

Како што пишуваа хрватските медиуми, Севе долго време не разговарала со својата постара сестра Зденка, а таа живее во близина на Задар.

Da li ste znali da je ovo Severinina sestra Zdenka? pic.twitter.com/EFn0oPggZT

— Malagaravaa (@vaskekopirinac) February 21, 2024

Имено, Зденка се откажа од својата позната сестра откако се омажи за Србинот, спортскиот менаџер Игор Којиќ, од кој се разведе минатата година по шест години брак.

- Ние не го поддржуваме сето ова, Србите водеа вооружена војна против нас, не угнетуваа 50 години, а сега водат психолошка. Мојата сестра беше израсната во хрватско и морално, римокатоличко семејство, од татко Хрват и мајка Хрватка, но нејзиниот живот беше преземен од менаџерската машинерија. Таа има планетарна слава, но сигурно има тажен живот. Се молам за нејзино здравје и среќа - изјави претходно Зденка за хрватските медиуми.

Од друга страна, Северина не е во добри односи ниту со сестра си Маријана. Како што претходно објавија медиумите, Северина и Маријана веќе подолго време се расправале, а потоа во животот на пејачката се вклучил и Центарот за социјална работа поради конфликт со нејзината сестра.