Што се случува со заробената принцеза Латифа: Зошто никој да не може да ја ослободи?!

фото:Profimedia

Нејзиниот татко шири толкав страв и трепет, што ниту една светска невладина организација не може да ѝ помогне на Латифа.

Принцезата Латифа од Дубаи, како што самата тогаш откри на видео што го направила со шверцуван телефон, била заробена во вила.

Принцезата Латифа (35) во 2018 година се обидела да побегне од нејзиниот татко Мухамед бин Рашид Ал Мактум (72), владетелот на Дубаи, но тој ја нашол на јахта во Индискиот Океан.

Вооружени луѓе ја врзале принцезата и ја симнале од бродот. „Убиј ме овде, пукај ме! Само немој да ме враќаш назад“, врескала таа кога била заробена.

Според американските медиуми, нејзината локација била откриена со помош на ФБИ. Имено, владата на Дубаи тврдеше дека Латифа била киднапирана и дека барале итна интервенција за да ја спасат. ФБИ брзо ја откри локацијата на принцезата и ја проследи до властите на оваа земја.

Белата куќа и ФБИ одбија да го коментираат тоа, како и нејзиниот татко Мухамед, но тој пред судот изјави дека ја спасил. Една година по нејзиното принудно враќање во Дубаи, Латифа повторно се јави преку видео.

„Заробена сум. Оваа вила е претворена во затвор. Не можам ни да излезам од неа на свеж воздух. Секој ден сум загрижена за мојата безбедност и живот", вели принцезата од Дубаи во видеото кое го снимила на телефон кој успеала да го прошверцува. Нејзиниот братучед Маркус Есабри, кој живее во Англија, во февруари годинава за Би-Би-Си изјави дека таа престанала да испраќа снимки пред шест месеци и дека оттогаш не слушнал ниту збор од Латифа.

Јавноста беше згрозена што во декември 2018 година, Латифа се сретна со Мари Робинсон, поранешен висок функционер на Комисијата за човекови права на ОН, која позираше со неа со насмевка, но не ѝ помогна. Нивната средба ја договорило семејството на принцезата и направени се неколку фотографии.

ОН и британскиот премиер Борис Џонсон ветија дека ќе го истражат целиот случај, но според странските медиуми нема напредок. Во меѓувреме, на Инстаграм се појавија фотографии од принцезата со пријателите, но упатените велат дека семејството го прави тоа за да ја увери јавноста дека Латифа е слободна, а не заробена како што протече во јавноста. Некои веруваат дека принцезата тешко ќе се ослободи со оглед на тоа дека нејзиниот татко е еден од најважните бизнисмени на Блискиот Исток. Случајот многумина ги потсети на ужасот на саудиската принцеза Басма (57). Таа без објаснување заврши во 2019 година во злогласниот затвор во Саудиска Арабија, а познато е дека претходно ја критикуваше положбата на жената во кралството и се залагаше за суштински реформи.

Таа беше само една од бројните жртви на чистката на престолонаследникот Мохамед бин Салман, за што се огласи на Твитер. Неколку пати добила дозвола да разговара со семејство кое верува дека завршила во затвор поради наследството на нејзиниот татко, кралот Сауд бин Абдулазиз ал-Сауд. Во исто време, саудиските власти тврдеа дека таа се обидела да ја напушти земјата и да замине на лекување во Швајцарија.Таа досега требаше да биде ослободена, но не се знае што и се случува во моментов. 

Инаку, со оглед на ваквата ситуација со некои кралски семејства и неможноста нивните членови да остават таков живот зад себе, многумина ги сметаат за среќни принцот Хари и Меган и јапонската принцеза Мако и сопругот.

Хари замина во Америка со сопругата Меган Маркл, исто како што Мако ја напушти Јапонија поради љубов со обичен граѓанин. Принцезата Шарлин од Монегаски немала среќа како нив, но завршила на психијатриско лекување надвор од Монако. Кралското семејство наводно го направило тоа за да ја спречи да се разведе од принцот Алберт.

Странските медиуми тврдат и дека таа е во врска со рускиот милијардер Владислав Доронин, поранешното момче на Наоми Кембел, кој ѝ дал утеха по сите неверства на нејзиниот сопруг.

Шарлин од Монако: Како и зошто го доби прекарот - „најтажната принцеза во светот“?