Скокаат, врескаат, се караат и по кој знае кој пат викаат „мама“: Како да го зачувате разумот додека ги воспитувате вашите деца?

Има една изрека која вели - деновите се долги, но годините се кратки. Сигурни сме дека сите мајки на мали деца ќе разберат за што зборуваме!

Кога ќе станете мајка, дефинитивно ја разбирате суштината на оваа изрека. Колку пати сте го држеле бебето во вашите раце цел ден одбројувајќи ги минутите додека вашиот сопруг не дојде дома од работа, само за да можете да поминете неколку минути сами во бањата? Мајчинството е без сомнение најубавата, но и најпредизвикувачката „работа“ на светот.

Ако се чувствувате преоптоварени, постојано сте под стрес и сакате да ја повлечете косата од главата неколку пати во текот на денот, продолжете да читате. Откриваме како да го скротиме ролеркостерот наречен мајчинство и да го зачуваме здравиот разум додека ги воспитуваме своите деца.

Внесете се малку повеќе себе си во својот ден

Ова може да звучи како невозможна задача, но ако одвоите време да се грижите за себе, ќе видите дека сте способни не само да направите повеќе, туку и да бидете помирна и позабавна мајка. Одвојте неколку минути секој ден само за себе. Направете нешто само за ваша душа. Не мора да биде ништо големо и посебно, туку нешто што едноставно ќе ви одговара. Земете си топла бања, почнете да читате интересна книга, практикувајте јога или џогирајте.

Започнете го утрото со добар план

Утрата може да бидат најтешките и најхаотичните од сите делови на денот. Помогнете си и направете план за секое ново утро. Кога знаете што треба да направите, ќе бидете поорганизирани и побрзо ќе ги извршувате задачите. Не очекувајте повеќе од себе отколку што сте подготвени да дадете. Утрата се користат за будење, гушкање, појадок и подготвување за излез од дома. Оставете го остатокот од работата за други делови од денот. Растерете го утрото и ќе бидете благодарни на себе за тоа.

Внесете повеќе игри во вашиот ден

Една од работите што го прави мајчинството толку извонредно е фактот дека имате можност да играте без никој да ве обвинува за тоа. Дозволете си да заборавите на се‘ друго во текот на денот и посветете се на играта со вашите малечки. Не е неопходно да си играте со нив со часови, но треба да одвоите малку време за нивните и вашите заеднички авантури. Со внесување на играта во вашиот живот, ќе ја направите позабавна за себе и за вашите деца.

Олабавете го вашиот дневен распоред

Секоја мајка сака нејзините деца да бидат чисти, здрави и добро нахранети. Затоа, сето тоа чистење, хранење и негување има смисла. Сепак, не треба да дозволите да ве однесе цел ден. Запомнете дека секогаш ќе има валкани садови, како и валкани алишта, и можеби немавте време да ја исчистите куќата со правосмукалка една недела, но ако ги однесете вашите деца на игралиште, јадете сладолед во паркот или им читате пред спиење - вредеше. Дозволете помалку важни работи да се „испуштат“ од вашата дневна листа на задачи.

Излезете од куќата/станот

Секој би попуштил под притисокот да биде цел ден помеѓу 4 sида со едно бебе во раце или три мали деца. Затоа, намалете го товарот со напуштање на куќата. Играјте со децата во дворот, однесете ги на прошетка или одете во блискиот парк. Дишењето свеж воздух е смирувачко за вас, а активностите на отворено се попродуктивни за целата енергија што ја имаат децата.

Фото: freepik