Слабост му се убави жени, се капе во луксуз и злато: Кој е шеикот згоден како Аполон? Погледнете ја оваа убавина!
Шеикот Калифа бин Хамад бин Калифа Ал Тани, најмладиот син на поранешниот емир на Катар е еден од најбогатите луѓе во светот, а жените се фасцинирани од неговиот изглед. Тој е вистинска сензација на социјалните мрежи каде изгледа како вистински плејбој.
Девојките ширум светот ја фалат впечатливоста на шеикот, а тој се повлече од мрежите пред две години. Животниот стил кој изобилува со луксуз, злато и скапи автомобили го привлекува вниманието на луѓето ширум светот. Рангиран на деветтото место меѓу најбогатите членови на кралското семејство во светот, вкупниот имот на семејството Ал Тани се проценува на околу 335 милијарди долари, според извештаите.
Од друга страна, богатството на Безос се проценува на 182,3 милијарди, а на Гејтс на 128,7 милијарди.
Кој е тој?
Тој пораснал во Доха, а добар дел од животот го поминал во Лос Анџелес каде студирал на Универзитетот во Јужна Калифорнија. Се стекнал со диплома и магистер по јавна политика и дипломатија.
Принцот патувал во Лос Анџелес со приватен авион, опкружен со слуги и се сместувал во луксузниот хотел Беверли Вилшир. Таму водел раскошен начин на живот, редовно посетувал луксузни ресторани, казина во Лас Вегас и резервирал луксузни куќи за игрите на ЛА Лејкерс.
Неговиот екстравагантен начин на живот го привлече вниманието на таблоидите, со приказни за него како расфрла скапи подароци на службениците и вработените на универзитетот.
Автомобили
Тој е горд сопственик на импресивна колекција на суперавтомобили, вклучувајќи McLaren од 890.000 долари и LaFerrari од 1,5 милиони долари.
Неговата колекција вклучува и Bugatti Divo, Lamborghini Sian FKP 37 и Ferrari Monza SP2. Тој често се гледа како ги вози своите автомобили низ улиците на Монако, Лондон и Лос Анџелес.
По завршувањето на студиите се вратил во Катар каде станал офицер во внатрешните безбедносни сили. Во 2020 година, тој беше назначен за член на Националниот совет за безбедност и беше командант за безбедносни операции за Светското првенство во фудбал во 2022 година. Тој е и претседател на фудбалскиот клуб Ал-Духаил СЦ.
Семеен човек
Шеикот Калифа е тесно поврзан со неговото семејство, особено со неговата мајка Шеика Моза, која е прва дама на Катар и претседател на Фондацијата Катар. На неговиот Инстаграм профил често може да се видат слики со членови на семејството, на кои се прикажани во опуштено, семејно опкружување.
Исто така, се шушка дека има слабост кон убавите жени, па и дал предлог за брак на познатата манекенка Бела Хадид, која таа ја одбила.
