Сузана Гавазова ја освојува Турција: Доби награда за најдобар претставник на македонската култура – Шармираше во елегантен црн фустан

Добивај вести на Viber

Фолк-пејачката Сузана Гавазова е најдобар претставник на македонската култура во Турција и светот, ваква награда се одлучија да и врачат од фестивалот „Најдоброто од Румели“.

Токму затоа Гавазова замина во Истанбул, Турција за да прими наградата.

За свеченото доделување на наградите пејачката се одлучила да облече долг вечерен фустан, направен од корсет и сукња, кој е со потпис на македонска дизајнерка.

Публиката присутна на манифестацијата Гавазова ја почести со нејзината ултра популарна песна „Бум, бум“, за што присутните ја поздравија со громогласен аплауз.

„Награда за „Пејачка од Македонија“ или „Најдобар претставник на македонската култура во Турција и светот“ на фестивалот „Најдоброто од Румели“, Истанбул-Турција. Ви благодарам Турција за оваа драгоцена награда, на која особено сум горда. Бев во друштво со многу познати уметници од регионот меѓу кои и Сенидах, Биг Мама од нашиот регион“, напиша Гавазова.

Гавазова имаше можност да се фотографира и со македонскиот конзул во Турција, Илјас Фета.