Утре започнуваат Богородичните пости: Овие зборови треба да се кажат за благосостојба и простување на сите навреди

Добивај вести на Viber

Христијанската православна црква и нејзините верници од утре 14-ти август ги започнуваат Богородичните пости, кои траат две недели се до 28-ми август на големиот празник Успение на Пресвета Богородица.

Постот е духовна и физичка подготовка за празникот Успение на Пресвета Богородица и не е само воздржување од мрсна храна, туку и воздржување од лоши мисли, зборови и дела, како и зајакнување на молитвите и правење милосрдие.

Успение на Пресвета Богородица е еден од празниците на Богородица и се празнува на 28 август. Богородичниот пост е на вода, освен во сабота и недела кога е дозволено масло и вино и на Преображение кога може да се консумира риба.

Ова е еден од најголемите христијански празници и се слави смртта на Богородица, која на овој ден се вознесува на небото и го предава својот дух на Спасителот.

Името Поклади го добиле по обичајот на овој ден да се простуваат сите навреди, за да ни се простат долговите и на тој начин да се ослободиме од долговите, што почисто да влеземе во периодот на претстојниот пост.

Затоа помеѓу луѓето на овој ден со чаша вода се вели: „Прости ми, влегуваме во постот како море“, а присутните одговараат: „Нека е од Господ простено, прости ми и ти мене“.