Утринско кафе со Антоанета Кимовска: Не се расправам, докажувам

Денот ми започнува секогаш со здрав оброк, со смути или овесна каша. А, првото кафе често го пијам сама, пиејќи го првото утринско кафе го планирам денот и обврските што следат.

Мотиватор кој ме води е најчесто околината. Размислувањето за другите е она што ме тера да се докажам и да се стремам кон повеќе. Јас го извлекувам најдоброто од сите ситуации во кои треба да се издвојувам меѓу другите. Не се расправам, докажувам.

Покрај работа, дневни планови и обврски секое утро имам и утрински тренинг,а слободното време сакам да го поминувам во кругот на најблиските, со муабет и  кафе, но секогаш наоѓам време и за подготовка на  здрави оброци. Оброци кои ми е најголемо задоволство кога ги поделувам со најблиските а и јадењето е многу повкусно кога е во друштво.

Денот најчесто го  завршувам со кафе и  пријатели, но зависно денот може да го завршам и слушајќи музика или да се опуштам на креветот со добра книга и топол чај.

Слободното време многу ретко го користам за да гледам филм, ако имам слободно време наместо филм секогаш одбирам добра книга. Повеќе ме држат будна книгите.

(Антоанета Кимовска - фитнес инструктор)