Утринско кафе со Тамара Ристеска: Задоволните купувачи се мојата мотивација за уште подобар ден
Како што рекле ,,денот по утрото се познава'' така што ИНСИСТИРАМ денот да ми започне со насмевка, позитивна мисла и позитивни луѓе.
Првото утринско кафе го пијам најчесто дома со сопругот правејќи планови за денот што следи. Бидејќи сум мајка на шестгодишно детенце денот започнува со него, па потоа следуваат и работните обврски.
Секојдневната дружба со ведри лица, комуникацијата со мојот тим и задоволните купувачи се мојата мотивација за уште подобар ден. Позитивната енергија и насмевката ако ја подариш на тие околу себе, е уште послатка.
Денот ми завршува со моето семејство. Разговорите и импресиите од веќе изминатиот ден знаат и да потраат, но секако добриот филм и удобноста од мојот бренд „Bonatti“ не се изоставени од моето секојдневие.
(* Тамара Ристеска -„sales manager“ во „Bonatti“)
