Видео кое ќе ви ја стопли душата: Гоце Тодоровски застана зад микрофонот и запеа од срце (ВИДЕО)
Актерската легенда Гоце Тодоровски е еден од најталентираните глумци за пеење, па така овој пат застана зад микрофонот и направи вистинска веселба.
„Нашата најголема македонска актерска легенда Гоце Тодоровски знае преубаво да запее, да заигра и да забавува на приватна веселба. Почит и восхит за неговото дело!“
Видеото на Фејсбук го сподели неговата ќерка Сашенка која напиша „Гордост моја“.
Нашиот Гоце Тодоровски е најголема македонска театарска, филмска и телевизиска легенда. Познат е по улогите во легендарните Македонски народни приказни, Бушава азбука, Балкан бенд, Трст виа Скопје, Солунски патрдии, Хихирику, Викенд на мртовци, Среќна нова '49, Тврдокорни, Црвениот коњ, Училиште и многу други театарски и филмски улоги во неговата богата повеќедецинска работа.
Роден е во Кичево, 30-ти април 1951-ва година. Денес, како пензионер, со сопругата Тања живее во Скопје. Добитник е на повеќе награди, а една од најзначајните е „Орден за заслуги за Македонија“.
