Изострено перо // Поезија
Тања Крмзова Костиглиола: Voyage
Додека го спремам куферот,
пишувам посакувани средби
во имагинарната агенда.
Помеѓу секое парче облека
вметнувам замислени ситуации
и добро познати чувства.
Багажот секогаш ми тежи
повеќе од дозволеното,
оти притиска нетрпението.
Патентот одвај го издржува притисокот
меѓу плановите и соновите,
кои понекогаш исцрцнуваат на сред пат.
И кога ќе стапнам на моето тло
се сепнувам, се присетувам:
мојата земја совршено ме познава
спонтана и гола.
За Женски магазин поетесата Тања Крмзова Костиглиола
