Вукашин ја загуби битката: Тој е 16-та жртва од падот на настрешницата во Нови Сад
Пациентот Вукашин Црнчевиќ (19), кој беше тешко повреден по падот на настрешницата на Железничката станица во Нови Сад, на 1 ноември минатата година, како што потврдија повеќе извори за Нова.рс, починал како последица на повредите на Воено-медицинската академија во Белград.
Вукашин на почетокот на годинава од Универзитетскиот клинички центар на Војводина во Нови Сад, како што пренесуваат медиумите, бил префрлен на Воено-медицинската академија по барање на неговата мајка.
Откако бил примен во ВМА, според лекарите бил во тешка, но стабилна состојба.
Последните неколку недели поради сложеноста на повредите и неговата општа состојба се лекуваше на Одделот за интензивна нега на Клиниката за анестезиологија и интензивна терапија на Академијата за медицински науки.
„Општата состојба на пациентот е стабилна, но сериозна и непроменета во однос на денот на прием во ВМА. Пациентот секојдневно се прегледува во консултација, врз основа на што се спроведуваат мерки за лекување“, се вели во соопштението на оваа здравствена установа кон крајот на јануари годинава.
Имено, по падот на настрешницата, на Вукашин му биле ампутирани двете стапала, а тој во последните четири и пол месеци лавовски се борел за живот, но за жал им подлегнал на страшните повреди.
По повод смртта на Вукашин се огласија и студенти кои на својот официјален профил на социјалната мрежа Х се простија од починатиот млад човек.
Учениците и наставниот кадар на Гимназијата „Светозар Милетиќ“ во која Вукашин учеше, како и граѓани на Нови Сад се собраа пред училишната зграда за да му оддадат почит на повредениот млад човек.
На зградата на Економското училиште во Нови Сад било истакнато црно знаме, а на вратата бил поставен и некролог.
<blockquote class="twitter-tweet"><p lang="und" dir="ltr">11:52 - 12:08 <a href="https://t.co/lasM0BKB3P">pic.twitter.com/lasM0BKB3P</a></p>— Studenti_U_Blokadi (@studentblokade) <a href="https://twitter.com/studentblokade/status/1903041661590016092?ref_src=twsrc%5Etfw">March 21, 2025</a></blockquote> <script async src="https://platform.twitter.com/widgets.js" charset="utf-8"></script>
Да потсетиме, на 1 ноември минатата година на железничката станица во Нови Сад се урна настрешницата на главниот влез во зградата на станицата, кога животот го загубија 15 лица, меѓу кои две деца, а две лица беа тешко повредени.
Денеска почина и 16-то лице, младиот Вукашин Црнчевиќ. Во Медицинскиот центар Војводина со тешки повреди по падот на настрешницата се уште е на лекување уште едно лице Теодора М., а според последните лекарски извештаи нејзината состојба е стабилна.
Овој трагичен настан предизвика гнев и незадоволство кај граѓаните, а потоа и големи студентски протести и блокади на факултетите и повеќето средни училишта. Граѓаните меѓу другото бараат во јавноста да се достави комплетната документација за реконструкцијата на натстрешницата на зградата на станицата и бараат апсење на сите одговорни за смртта на 16 лица.
Извор: Nova.rs
