Жена –кралица: Битолчанката Ана Котевска го искачи највисокиот врв во Африка

Планинарката Ана Котевска од Битола, откако во 2022 година го искачи врвот Чимборазо, кој е најодалечената точка од центарот на земјата и се наоѓа на 6263 метри надморска височина, одговори на нов предизвик.

Таа заедно со уште двајца планинари го искачија највисокиот врв во Африка, Ухуру на Килиманџаро, кој е висок 5.895 метри надморска височина.

Ана објави и фотографии од нејзиниот нов успех. Дека е вљубеник во планината и го сака адреналинот покажуваат и нејзините фотографии на Инстаграм од најубавите зајдисонца од Пелистер и други планини на кои често планинари.

Битолчанката досега има искачено четири врвови на Еквадорските Анди.