Маја Лазаревска: Се иселивме во Австралија за подобра иднина

Ние сме едни од тие 600.000 иселени за подобар живот. Со Дарко дојдовме кај наши другари кои од Скопје се преселија во Мелбурн неколку години пред нас. И тие ни беа огромна поддршка првата година, раскажува поранешната манекенка Маја Лазаревска во интервју за порталот „7Дена“.

Лазаревска и нејзиниот сопруг, кошаркарот Дарко Станимировиќ,одлучија иднината да си ја коват илјадници километри далеку од дома. Велат дека е тажно да оставите се и да заминете, но кога знаете дека сте направиле голем чекор за подобра иднина на своите деца тогаш е лесно, пишува порталот „7Дена“.