Изострено перо // Поезија
Ана Бунтеска: Диши, диши...диши
Диши
а потем полека издиши
и не
не се обидувај да објасниш
барем не со зборови
тоа е исто како за љубовта да се говори
непотребни монолози
реплики и дијалози
диши
и остави да излезе
да се види светлината
оти секој човек свети
однатре
и однадвор му се гледа
по ликот и чекорот
по она што во себе го носи
диши
и вдиши
она што со мир душа ќе ти наполни
и издиши
мирот пушти го на слобода
како птица, како ветар
како небо сино, како љубов
и трепет нека остане
диши
слобода диши
и нека те разигра
како бран нека разбранува
како плима и осека во тебе
и издиши ја
подари ја
како себе со неа да се даваш
диши
диши
диши
За Женски магазин, поетесата Ана Бунтеска
Фото: Стојан Стојановски
