Балканот ја нападна блогерката поради видеото „Ова сум јас“: Фановите ѝ возвратија - ТАА не може да зборува за тоа

Инфлуенсерката Дуња Јованиќ, од Србија која на социјалната мрежа Инстаграм има над 350.000 следбеници, и која ја следат и многу луѓе од Македонија објави видео снимка која предизвика голем број негативни коментари, а ја прозва и ТВ презентерот на временската прогноза на Сител, Спасе Јованоски или попознат во јавноста како ПР манаџерот на Лила Филиповска..

Дуња објави видео со ознака #ovosamja (Ова сум јас) на кое на неколку фотографии и видеа можете да видите како изгледа без филтер.

- Овде само малку овде, никој нема ни да забележи...' Така започнува играта со филтри, а кога ќе се навикнеш, завршува со ментално растројство. И покрај тоа што не користам филтри, понекогаш си изгледам поинаку на фотографии, видеа... и секогаш се прашував дали е така и со луѓето што ме гледаат. Обично, кога луѓето ќе ме сретнат, ми велат: „О, не си толку крупна“ или „Па, ти си пониска отколку што мислев“, но секој од тие луѓе ме препозна.

Да потсетиме дека целата возбуда со филтри започна со кучешки уши на Snapchat, а заврши со тоа што луѓето не беа задоволни од својот одраз во огледалото поради различните апликации и филтрите. И веќе знам што ќе каже одредена целна група... 'Лесно ти е да не користиш филтри, кога си го коригирала тоа и тоа'. И направив, машала, и воопшто не се срамам од тоа. Но, кога се гледам себеси во огледало, и кога се гледам себеси на Инстаграм, ја гледам истата личност, се гледам себеси.

Животот без филтер е возможен и затоа ве повикувам да се фотографирате без филтер со хаштагот #ovosamja и да им покажеме на сите се‘ што нè прави посебни, кои се маните и доблестите, маните или најслатките детали за нас, тоа нè прави единствени - пишуваше во описот на видеото. 

И иако самиот тренд #овосамја е важен за градење самодоверба, пред сè кај младите неафирмирани луѓе кои сè уште не се свесни за своите доблести и позитивните страни на нивната несовршеност, многумина обидот на оваа инфлуенсерка да покаже дека луѓето се убави и без филтри го доживеаја како лицемерие.

Неколкуте позитивни коментари кои се најдоа под видеото не успеаја да ги засенат лошите кои почнаа да се шират низ целиот интернет.

Обожавателите ја критикуваат што прикачила видео од #ovosamja откако отишла на неколку пластични операции со оглед на тоа што не личи на себе од пред десет години.  

- Искрено, ова е бесмислено видео и исто како кога Худа Бјути почна да се залага за истото, но само откако се оперираше. Малку бесмислено и контрадикторно, но ок. Јас секако не сум за филтри, но некој кој целиот е „среден“ со пластични операции не треба да зборува за тоа - беше еден од коментарите.

„Девојките стануваат уште понезадоволни по видеото на Дуња за природна убавина без филтри“ е насловот на видеото кое сега се шири на социјалната мрежа ТикТок, а на кое може да се видат бројни негативни коментари од девојките за оригиналното видео на Дуња, на кое има фотки од неа пред да бидат направени операциите.

- Идејата за спотот е повеќе од одлична и многу важна, но личноста која ја прикачува #ovosamja и има направено некакви естетски зафати за жал не е искрена, бидејќи доколку навистина се прифатеше себеси и своите недостатоци немаше да ги оперира. Непристојно е да се шири важноста да се биде природен ако не си свој, беше само еден од коментарите на видеото на TikTok.

И Спасе Јовановски, познат во јавноста како ТВ презентер на временската прогноза во Сител и извршен продуцент на Инстаграм профилот на Лила Филиповска ја прозва Дуња и на Стори на Инстаграм напиша: „Ќе немаат повеќе што да понудат, па ќе измислуваат кампањи каде што најлесно е да глумиш жртва. А претходно си направиле 15 операции на себе, па сега ќе продаваат природна убавина! Ајде ќе ве молам. Што благодарам.„

Фото и Видео: Инстаграм/ТикТок