Толку убави спомени на овој ден пред 5 години. Благодарна сум за секој ден поминат со тебе Бастијан. 5 совршени години. Да ги направиме 500 повеќе - напиша тенисерката Ана Ивановиќ на Инстаграм постирајќи фотографија од венчавката со германскиот фудбалер Бастијан Швајнштајгер .

View this post on Instagram

A post shared by Ana Ivanović (@anaivanovic)

Ана и Бастијан живеат љубовна бајка. Плод на нивната љубов се синовите Лука и Леон.

Интересна е и нивната љубовна приказна.

Дека вистинската љубов секогаш го наоѓа својот пат, се доказ и Ана Ивановиќ и Бастијан Швајнштајгер. 

Откако се појави во светот на спортот, тенисерката ги освои сите со својата убавина, талент и однесување. Ја посакуваа многу мажи, но првиот состанок со германскиот фудбалер не помина многу лесно.

Филмот, кој беше прикажан во чест на Бастијан кога ја заврши фудбалската кариера, го опишува моментот на нивното запознавање.

„Не, благодарам, јас сум среќно заљубен“, ѝ рекол Германецот, кој беше во среќна седумгодишна врска со Манекенката од Минхен, Сара Бранднер. И сите очекуваа дека тие ќе се венчат, но раскинаа во 2014 година. Причината беше откриена подоцна - Бастијан лудо се вљубил во Ана.

Како всушност се запознале, Ана и Басти, за германски „Билд“ откри тренерот на кошаркарскиот клуб Баерн, Светислав Пешиќ.

„Мојот пријател Бастијан Швајнштајгер и Ана Ивановиќ се во емотивна врска, ги запозна ќерка ми Ивана (која инаку е во брак со германскиот кошаркар Јан Јаглу.) Нека се сакаат и држат за рака“, вели Пешиќ. 

Љубовниот живот на Ана го обележаа неколку врски: со тенисерот Марко Стилитано, голферот Адам Скот и славниот шпански тенисер Фернандо Вердаско. Сепак, таа посака само со Бастијан да се заколне на вечна љубов.

Тајната свршувачка беше проследена со венчавка од бајките во Венеција на 12 јули 2016 година, а свадбената церемонија ја следеа над двесте медиуми од целиот свет.

Фото: Инстаграм