Никој кој се остварил во улогата на родител нема да ти каже дека родителството е лесно. Сепак, иако во одредени моменти ви се чини дека нема да успеете во својата задача, факт е дека сè ќе помине многу брзо, и дека ќе дојде ден кога е и најтешките моменти ќе ви недостигаат. 

Во пресрет на денешниот Меѓународен ден на детето со вас споделуваме едно писмо што го трогна светот, особено родителите.

Долг е списокот на придавки што се користат за да се опише како изгледа да се стане родител, особено за прв пат.

Тоа е неверојатно убаво искуство што го менува животот на секого од корен, но може да биде и исцрпувачко, а понекогаш дури и многу тешко, бидејќи, за жал, не постои волшебна книга со упатства што им се потребни на сите, особено во првите недели од животот на бебето.

Колку и да се подготвувате за овој важен настан во вашиот живот, не постои начин да ги прочитате мислите на вашето бебе, а тоа не е во можност да ви каже што му треба или што му мачи.

Затоа, многу родители можат да се обвинат себеси и да станат депресивни затоа што сметаат дека не исполнуваат сè што се очекува од нив како родител.

Поради оваа причина, британската национална здравствена служба им посвети утешно писмо на сите родители, кое ги трогна многумина, па дури и ги расплака:

„Драги мама и тато,

Ве молам, чувајте го ова писмо подалеку од мене, на место каде што ќе можете повторно да го прочитате кога работите не одат многу добро и кога сте лошо расположени.

Ве молам, не очекувајте премногу од мене како новороденче, но ниту од себе како нов родител.

Дајте ни време, најмалку шест недели. Мене да растам, да се развивам, созревам, да бидат постабилно и предвидливо, а себе да се одморите, да се релаксирате и да му овозможите на вашето тело да се врати во нормала.

Ве молам нахранете ме кога сум гладна. Не знаев за глад во стомакот на мајка ми, а часот и времето многу малку ми значат.

Ве молам, држете ме, милувајте ме, бакнувај те ме и чувај ме. Додека бев сеуште во стомакот, постојано бев близу до мајка ми и никогаш порано не бев сама.

Ве молам простете ми ако често плачам. Јас не сум тиранин испратен со задача да ти го загорчувам животот, но плачот е единствениот начин да ти кажам дека не сум среќна. Истрпете ме за тоа кратко време затоа што, како што растам, сè помалку ќе плачам.

Ве молам, одвојте време да откриете која сум, колку сум различна од вас и колку можам да ви дадам. Внимателно гледајте ме, и ќе ви покажам што ме смирува и што сакам.

Ве молам, секогаш имајте на ум дека јас сум доста еластична и можам да издржам на многу грешки што случајно ќе ги направите. Сè додека ги правите со љубов, не можете да ме повредите.

Ве молам, не се разочарувајте ако јас не сум совршеното бебе што го очекувавте и не се разочарувајте од себеси ако не сте совршен родител.

Ве молам, грижете се за себе - јадете здраво, одморете се, вежбајте - така што, додека сме заедно, ќе имате трпеливост и енергија да се грижите за мене. Лекот за секое бебе е поодморена мајка.

Ве молам негувајте ја вашата врска. Како ќе се доближиме еден до друг, ако нема семејство што ќе ја создаде таа силна врска?

Имајте во глава поширока слика. Јас ќе бидам толку мала за многу кратко време, иако сега ти се чини дека ќе биде така засекогаш.

Иако можеби го свртев вашиот живот наопаку, потсетете се дека работите многу брзо ќе се вратат во нормала.

Уживајте во мене - никогаш повеќе нема да бидам толку мала! “