Едни во милион: Приказната за близначките Харпер и Квин
Британците Никол и Тод Бејли се горди родители на близначките Харпер и Квин. Едната од нив има Даунов синдром, а шансите да се случи такво нешто се една во милион.
Двојката од Шефилд која го има и синот Лукас (4) нагласува дека нивното семејство е уникатно и дека не би го менувале за ништо на светот. Родителите не знаеле дека Харпер има генетско пореметување сѐ до нејзиното раѓање.
- Лекарите ни се извинија кога ми рекоа дека мојата ќерка има Даунов синдром. Но, ние не мислиме дека тоа е нешто за кое некој теба да ни се извинува. И двете девојчиња се совршени. Не се обидуваме да ги споредуваме. Не гледам дека Харпер на било кој начин е поразлична од другите мои деца - изјави за „Дејли мејл“ Никол (32) која работи како медицинска сестра.
Гордата мајка раскажа дека Харпер и Квин исто ги облекува.
- Иако не се идентични имаат речиси исти носиња и усти. Врската која близнаците ја имаат е неописливо силна и едвај чекам да видам како ќе се развивааат во иднина - изјави таа.
